كُن واثق (اقبل كلمة ربنا زي ما هي)

[walaa farouk]

لما بتثق في الرب، أنت بتسمح إنه يعمل بيك ومن خلالك حاجات عظيمة

ع الكتاب متى 4:18
"فَمَنْ وَضَعَ نَفْسَهُ مِثْلَ هذَا الْوَلَدِ فَهُوَ الأَعْظَمُ فِي مَلَكُوتِ السَّمَاوَاتِ."
(أي واحد هيتواضع ويبقى زي الطفل الصغير ده (بيثق، متواضع، بيحب، بيسامح) هو أعظم في مملكة السما.)

نحكِّي شوية؟!
لو شِلت طفل صغير من مكان عالي وطلبت من حد هو بيثق فيه (بابا مثلاً) إنه يمسكه من الأرض، الطفل مش هيعيط عشان حد يساعده، لأنه واثق في الرجل اللي في الأرض. يمكن ما يكونش متأكد إن كان الرجل ده هيقدر يمسكه ولا لأ، لكن هو مصدق إنه مش هيسيبه يقع. هو واثق من شخصية الرجل.

زي الطفل الصغير، أنت المفروض تثق في شخصية الرب، وهو وضَّح شخصيته في الكلمة. إنك تثق مش معناه إنك ساذج. لكن معناها إن عندك إيمان في ربنا. وإنك موافق إنه كل حاجة قالها عن نفسه حقيقية. بالطريقة دي أنت بتسمح له إنه يعمل كل اللي هو عايزه فيك ومن خلالك.

الكتاب بيقول، "بِالإِيمَانِ إِبْرَاهِيمُ لَمَّا دُعِيَ أَطَاعَ أَنْ يَخْرُجَ إِلَى الْمَكَانِ الَّذِي كَانَ عَتِيدًا أَنْ يَأْخُذَهُ مِيرَاثًا، فَخَرَجَ وَهُوَ لاَ يَعْلَمُ إِلَى أَيْنَ يَأْتِي." (إبراهيم كان عنده إيمان وأطاع الرب. اتقاله يروح المكان اللي الرب قال إنه بتاعه، فسافر لمكان هو عمره ما شافه) (عبرانيين 8:11).

هو وثق في ربنا ومشي وراه، بالرغم إنه وقتها مكانش واضح هو رايح فين. والرب متوقع منك إن يكون ليك إيمان طفل ناحيته زي الإيمان ده.

ادخل للعمق: أمثال 19:16، كولوسي 13:3

صلِّ
بابا حبيبي، شكراً لأنك بتعلمني أكون مؤثر ومُنتج في مملكة الحياة. أنا بعيش كل يوم في حياتي وأنا واثق فيك من كل قلبي. أنا مُلتزم بأني أقبل كلمتك وأعملها من غير تردد أو شك. باسم يسوع. آمين.

أكشن
هل في أي جُزئية أنت شكيت فيها في صفات الرب قبل كده؟ اطلب مسامحته، وأكِّد النهاردة تاني على ثقتك غير المُتزعزعة في حبه ليك.