|
 |
 |
 |
|
رقم المشاركة : ( 1 )
13 - 11 - 2016, 01:22 PM
|
|||||||||||
|
|||||||||||
|
نداء عاجل وإنساني ومُلح وشديد اللهجة: الأخوات الفاضلات المتزوجات رجاء حار من أعماق قلبي سيبوا البنات الغير متزوجات في حالهم... ارجوكم اتوسل إليكم... منين طول النهار ماسكين ودانهم قد ايه الجواز وحش... والرجالة كلهم عجينة واحدة محروقة وبايظة... والعيال متعبين وملهومش حل... وحماتك مطلعة عين حضرتك... واخت جوزك يتفات لها بلاد... وسلفتك وعينها المدورة... والبيت والتنضيف والمسئولية والملل... وكان ماله بيت الحاج الوالد...إلخ إلخ... ومنين بقى في نفس ذات اللحظة طول النهار زن على ودان البنت الغلبانة عشان تتجوز إن شالله تتجوز اااي واحد... المهم تتجوز!! بصي يا حبيبتى... حضرتك كونك رضيتي بقليلك أو كان همك تحملي لقب مدام او سوري يعني كنتي مضروبة على دماغك أما قبلتي بجوزك أو جوزك كان حلو وبقى وحش أو اياً كان السبب اللي وصلك لحالة مزرية من العلاقة الزوجية فده "مش" ذنب البنت الغلبانة اللي كانت زمان مقبلة على الزواج لحد ما سمعت شكوى حضرتك وقصصك وحكاياتك وقررت بعدها توهب نفسها للحرب ارحم! أما إذا انتي مبسوطة في حياتك لكن عايشة بمبدأ الميكروبصات "عضة أسد ولا نظرة حسد" فده برضه "مش" ذنب المسكينة! في أوبشن لطيف وظريف انك ماتحكيش اي حاجة عن حياتك أصلا... لا تشتكي ولا تمدحي...ريحي صوتك شوية... البنات اللي متجوزوش لسه غير انهم اتعقدوا من حكايات المتجوزين فقرروا يدققوا أكتر بنات عادية طبيعية عايزين يتجوزوا زينا بالظبط...اه والله! مش محتاجين نعمل لهم منبه يومي لحسن ينسوا الجواز! ولا نديهم محاضرة في بطر النعمة والزهد في الدنيا... الفكرة كلها انها لسه مجاش نصيبها... وأول ما يجي صدقيني هتتجوزه على طول...ده وعد... ريحي انتي بس ضهرك! الفكرة كلها ان الجواز مش غاية في حد ذاته الجواز ده وسيلة تساعد الإنسان على الحياه والمشاركه فلو اتأخر الجواز او مجاش اصلا ينفع اعيش برضو يا بنات نصيحة لوجه الله... اوعو تتجوزوا اي واحد وخلاص عشان تبقي اتجوزتي! دي حيااااااة.... ما تتجوزيش حد غير اما تحسي ان عقلك مبسوط بيه وعندك مشاعر ناحيته... ينفع ده يحصل من جواز الصالونات؟ اي نعم! اوعي تصدقي اللي طول النهار مصدرة لك مشاكلها ومدارية عنك افراحها.... وكفاية كده عشان تعبت...ويا بخت من هنا سعيد بسعيدة  نفس_الكلام_للرجالة 
|
|
| قد تكون مهتم بالمواضيع التالية ايضاً |
| الموضوع |
| نداء عاجل جدا |
| نداء عاجل من شفيق |
| نداء عاجل جدا |
| نداء عاجل من منتدى همس القلوب |
| نداء عاجل من أجل بلدنا مصر |
العرض الشجري