(#كيفية التعامل مع الزوج العنيد)

[walaa farouk]

اولا :مين هو الشخص العنيد (يرفض الإستماع الى اراه الأخرين ويظل متمسك برايه مهما حاول الأخرين اقناعه)
كيف تتعامل معه :

1/تعلمى كيف تجعليه يقول نعم: فى زوجات بأسلوبها تجعل الزوج يبطل عند ... عن طريق اسلوب كلامها تعالو كده ناخد مثال للزوجتين متزوجين من رجل العنيد
**الزوجة الأولى : هى :على فكرة انا اتفقت مع صحابى يوم الخميس نخرج انا والعيال .. هو؟؟ لا والله والمفروض انا اخر من يعلم ؟؟ هى: لاء ما انا بقولك اهو وبعرفك.. هو: بعد ايه ان شاء الله طب ابقى شوفى مين هيخليكى تروحى ..

**الزوجة الثانية : هى :حبيبى انا صحابى اتصلو بيا وعايزين يخرجو يوم الخميس ؟؟ هو: طب ما يخرجو اعملهم ايه يعنى ..هى : ماهو يا حبيبى قالولى لو ينفع اروح معاهم بس انا قولتلهم لاء انا مقدرش اوعدكم لو انت قولت اه يبقى هكون مبسوطة اوى انك وافقت .. لو انت موفقتش يبقى ان شاء الله تتعوض وقت ما انت تحب ..
** طبعا الزوجة الثانية عرفت تتكلم باسلوب ميخلهوش يستخدم العند وقيسى على كده كل الأمور اللى تحبى تتكلمى معاه فيها.. بلاش تحسسيه انه امر واقع لانك هتقابلى ده برفض منه ..

2/ لا تطلبى منه الأشياء امام اهله او اصدقائه: بلاش تستغلى وجود حد ممكن يتحرج منه ويوافق تحت ضغط منه ..
لانه ممكن يوافق بس برضه يتحجج بحاجة فى الأخر وبرضة الموضوع ميكملش .. بصى لو حس انه تحت ضغط منك هيعند اكتر...

3/ شجعية دائما : كل ما يعمل حاجة حلوة شجعية ابعدى عن الكلام ده ( هو كل حاجة لاء / هو انت غاوى عند وخلاص / انت مقتنع بلى بتصرفاتك دى) واستخدمى الكلام ده ( اللى انت تشوفه وانا عارفه انك هدور على راحة الناس اللى معاك / طيب تعالى نأجل الكلام فى الموضوع ده / انا عارفة انك خايف علينا وفى الاخر الحاجة اللى فى مصلحتنا هتوافق عليها)

4/الرجل العنيد هو رجل يبحث عن اثبات وجوده :بصى كل صفة صعبة بيبقى قدمها سبب ما .. دايما الشخص العنيد بيبقى محتاج يثبت انه موجود وهو اكتر واحد بيحب يطبق المقولة المشهورة (خالف تعرف ) فبالتالى اسالى نفسك ايه الحاجات اللى تعمليها تحسسيه بيها انه لى وجود وانه مهم جدا ومن غيره المركب مش هتمشى ..

5/تجنب التسلط وايضا تجنب التساهل الشديد: بلاش وقت العند تتحولى انتى كمان لشخصية متسلطة وعنيدة .. حافظى على هدوئك لانك انتى اللى هتخسرى لو قابلتى عنده بعند.. وبرضة بلاش التساهل الشديد بمعنى حولى متتعمليش معاه بندية بس برضة خدى موقف من فترة لتانية عشان يراجع نفسه ويفكر فى تصرفاته ..

6/ لكل رجل مفتاح : بصى بعيدا عن اى كلام كتب او كلام فى فلسفة وفى الاخر مبنفهمش منه حاجة ... فعليا لكل راجل مفتاح انتى الوحيده اللى تقدرى تعرفى مفتاحة .. فى راجل المدخل لى اكله حلوة .. تكرمى امه وتشكر فيكى ... تسمعيه كلام يحس انه الراجل الوحيد على الكوكب ده وهكذا .. حاولى تختارى الاوقات المناسبة اللى تتكلمى معاه فيها فى المواضيع المهمة اللى بيعند فيها دايما .. فدائما اختارى الوقت اللى يكون ليكى عنده رصيد كبير ساعتها واللى استخدمتى فيها المفتاح للوصول لقلبه هتلاقيه بيحاول يسيطر على عنده ..