ركن الله موجود

[walaa farouk]

_ إتأكد إنّ ..
” إللي بيحبك هيحب يشوفك ناجح فـ حياتك ، هيدعيلك فـ صلاتة وهيبصلك وهو بيضحك وفرحان بوجودك جوا حياته ، عمره ما هيقارن نفسه بيك ويعافر بس عشان يثبت لنفسه إنه أفضل منك ، مش هيقول عليك إنك فاشل ولا هيحبطك ، هيزقك لقدام طول الوقت ويقويك ويسندك ولو بالكلام ، لسّه فـ حاجة وحدة تستحق إنك تعيش عشانها وهي " نفسك " ، متيأسش وتعلن إستسلامك وتتحوّل لشخص مُحبط شايف كلّ حاجة سودة وغلط ، صدقني ركن اللّه موجود وفاتح بابة طول الدهر ، مستنيك مهما إكتئبت وعانيت من شيء ما فـ حياتك هتفرج وهيتفتح ليك باب ع الجنة جنة الأرض وهتلاقي ما يرضيك ، لما تحزن وتجيلك نوبة الإكتئاب المؤقته قدامك حلول كتير " الصلاة ، القراءة ، الخروج ، الكلام مع شخص جديد " وليس أخرهم إنك تفكر بالسعادة أفتكر موقف ضحكة فيه من قلبك مع صاحبك أفتكر حاجة حلوة حصلتلك فـ حياتك موقف او مشهد ما وقتها هتلاقي نفسك بتضحك لوحدك وضحك هيستيري وقتها همك وتعبك هيكونوا زى السحابه إللي طلع عليها ضوء الشمس بالسعادة ودابت من نور ضحكتك ، جربها وهتدمن إنك تضحك “ ..

#ربنا_يحبك 💙 !