|
 |
 |
 |
|
رقم المشاركة : ( 1 )
04 - 11 - 2016, 02:59 PM
|
|||||||||||
|
|||||||||||
|
الجواز في مصر .... مــاشي بمبدأ الفول !! ايوه متستغربوش ! الواحد بيصحى الصبح عشان يفطر فول ! مع انه اصلا الفول مش حلو ! بس لأ هيبقى حلو انشاء الله حبه زيت على ملح على كمون على ليمون على 20 نوع توابل وهيتاكل وهيبقى حلو انشاء الله !! بردو الولد اول ميوصل سن العشرين يقولك انا هتجوز ! امه تجيبله واحده معرفه يقابلها يوم الخميس يوم الجمعه يكونوا متجوزين يوم الجمعه بتاع السنه اللي بعديها يكون معاهم النونو ! طب يابني بتحبها !! لأ انشاء الله هيجي الحب بعد الجواز و الست تقعد تحط في 50 نوع مكياج عشان تعجب جوزها ! وطبعا اما بنيجي ناكل الفول لو مش حلو برده ناكله ! الله يعني هنرميه بعد مدفعنا فلوس !! (وجع البطن ولا دلق الطبيخ ) وياريتنا لما بناكل الفول بنبقى مبسوطين او مرتاحين لأ بتلاقي كل واحد واخد الطبق على جمب كده يحرت فيه وكأنه عليه ذمب وياكله ويمشي !! بردو الجواز كده ... بعد فتره الميكب يروح ويبتدي الاخ يتصدم وتبتدي الخناقات والعيشه المره وياريت حتى اللي بيتجوز بيفتخر بمراته ! لأ بتلاقي الواحد رامي مراته في البيت ومش عايز يخرج معاها وتحس انه قرفان ومتبري منها وياسلام بقى على الناس اللي بتطلب زواده طبق فول تاني !! وفي الاخر يلاقي نفسه متجوز ومخلف قد كده وشغال 24 ساعه عشان يلاحق عالمصاريف ومتبهدل وهو مش عارف هو ليه عمل كده اصلا ويبتدي يندم !! انت يابني حبيت واحده فعلا عشان كده روحت خدتها من بيتها تعيش معاك ! ولا عشان كل الناس بتتجوز روحت انت اتجوزت ! طب انت حبيت مراتك لدرجه انك عايز تجيب نونو شبها يعيش ويتربى في حضنكوا ومجهزلوا مستقبل كويس ! ولا الناس بتخلف اخلف انا كمان هم اجدع مني يعني ! ومش مهم الواد هيكون ليه مستقبل ولا هيترمي في الشارع ولا هيبقى ايه ظروفه بس انا هتجوز وهخلف وخلاص !! بنفكر ولا بناكل الفول وخلاص !! 
|
|
العرض الشجري