|
 |
 |
 |
|
رقم المشاركة : ( 1 )
25 - 10 - 2016, 01:20 PM
|
|||||||||||
|
|||||||||||
|
صرخه بنت.... انا بنوته عديت التلاتين ، بيقولو عليا مزه ، وحتي لو مش مزه يكفيني اني خلقه ربنا ، يعني اورجانك بدون اي اضافات او تعديلات، عملت اللي عليا ف الدنيا كمواطنه صالحه ، اتعلمت كويس وذاكرت واخدت شهاده واحترمت اهلي وراعيت ربنا وصنت نفسي لدرجه اني لسه سولفان المصنع علي صوابعي ساعات يتقدملي ناس ، يرفضوني او ارفضهم ،،، عادي الدنيا لذيذه ، المشكله بقي في الست الوالده وباقي اعضاء مجلس الشعب من اهل واصدقاء وجيران ، ماما طبعا بتقود فريق الامر بالجواز والسلام ، لاااازم تتجوزي القطر بيفوتك اللي في سنك بقو جدات ،، باقي الفريق من اهل وجيران واصدقاء بيعاملوني بشفقه كأني عندي المرض البطال ماتزعليش ياحبيبتي بكره يجيلك نصيبك ده انتي قمر والله هي الشباب اتعمت ولا ايه ، كفااااااااااااااااااااايه زهقت ، جتكم البلا فردا فردا انا مبسوطه كده ومش عايزه اتأندل علي عيني ، قال يعني كلكم متجوزين ومتهنين !! ده انتو ٣ انواع , متطلقه او عايزه تطلق او خايفه تطلق ، بلا نيله ، انا كده زي الفل عايشه حياتي ومبسوطه وباشتغل وبانجح وليا كيان وصاحبات ، واذا كان ع الاطفال عندي ٥٠٠ عيل في العيله كلهم ولادي ، ليه بقي المفروض اوافق علي اي شنب وخلاص علشان ارضيكم ، بقلم بنوته تعبت خلاص لو سمحتوا ارحموا بناتنا وسيبوهم يصنعوا حياتهم في حدود المتاح ليهم ، اكيد مش هاينزلوا يصطادوا عرسان او يصنعوا رجاله او يقبلوا اي حد مايصلحش علشان يرجعولكم غضبانين او مضروبين . 
|
|
| قد تكون مهتم بالمواضيع التالية ايضاً |
| الموضوع |
| دي صرخه جوايا |
| صرخه إلى الراعى |
| صرخه من خاطئ |
| صرخه الميلاد |
| صرخه |
العرض الشجري