ازي انسي حب فات ؟

[Rena Jesus]

ازاي انسي حب فات ؟
هو ليه كل الرجاله واطيه ؟
.. ازاي حب ٥ سنين ولما نسيب بعض يحب تاني في نفس الشهر ويخطب كمان وينزل صور معاها وانا بقالي سنه مش عارفه انساه ولا اعيش ؟

الرد :
الكلام ده بسمعه كتير علشان كده هاجاوب في نقط :

١-الراجل مش كائن عاطفي زي حضرتك ، الراجل كائن عملي بيحكمه منطق المكاسب والخساير واولوياته تحقيق الذات مش الحب ، يعني لو واحده غيرك هاتحقق اللي بتحققيه له من اشباع واكتمال واهتمام او اكتر هاينساكي .

٢-لانه كائن عملي متعفن اول حاجه بيعملها لما تنفصلوا بيعملك بلوك من كل حاجه ويمسح صورك والشات بينكم علشان ينساكي بسرعه ومايفضلش يتابعك ويعرف اخبارك ويتوجع زي ما حضرتك بهبلك بتعملي .

٣- لما بتابعيه وتدخلي صفحته بيبقي عارف( ماعرفش ازاي بس بيعرف ) وده بيخليه يستمتع بالانتصار ويثق انك دايما موجوده وقرار رجوعه سهل فبيأجله لما يحتاجه .

٤-لان دماغه متقسمه لمجموعه غرف منفصله فطبيعي تكوني محتله غرفه واحده ويقدر يقفلها ويكمل حياته مع باقي الغرف من شغل لصداقات لمشاريع ،
عكس حضرتك دماغك حزمه اسلاك متصله وهو متوصل بيهم كلهم يعني بيبقي محور تكوينك وتلفى حواليه .

٥- الراجل تعددي المشاعر يعني يقدر يحب اتنين ف وقت واحد - مش بنفس القدر - فوارد يكون لسه بيحبك ويكمل مع التانيه ويحبها .

٦- الراجل اسهل في الحصول علي علاقه جديده تنسيه الاولي .

٧- الراجل دايما حياته ازحم وعنده كذا عالم يقدر يشغله واهمهم طموحه وتحقيق ذاته .

٨- خاصيه الانتقام الاهبل ..
دي خاصيه بتنفرد بيها المرأه ، لما الراجل يسيبها تفضل توهم نفسها انها عايزه ترجعله علشان تنتقم لكرامتها وتشوفه بيتعذب ،
والخاصيه دي وهميه لانه لو رجع ليها بتنسي الانتقام ، والرغبه الوهميه في الانتقام دي بتخليها دايما بتفكر فيه ليل نهار .

٩- الراجل مش بيقطع فجأه ، لكن بيتدي يبعد بالتدريج علشان تخافي وتبتدي تقدمي تنازلات عن كرامتك وتخضعي اكتر ، وده بيدعم رغبته في الانسحاب ، ولما بينسحب بيجيلك كل فتره يعلن ندمه علشان يتإكد انك لسه مستنياه وانتي زي العبيطه بتسامحي وتصدقيه ( ياهبله ) وده بيخليه يبعد باستمتاع وثقه انك متاحه وقت ما يحب ، لكن لو عاملتيه باستهتار هايعيطلك بس برضو هايخلع تاني، بس هاتفضل كرامتك وثقتك بنفسك ودول اهم لو بتفهمي.

يعني م الاخر يامزه لو عايزه تنسي الباشا يبقي افهمي بيفكر ازاي واعملي زيه ، ساعتها الوضع هايتقلب وهو اللي هيقول جااااي .
يارب تفهموا بقى ... تعبتوا اهلي .

cpd