|
 |
 |
 |
|
رقم المشاركة : ( 1 )
13 - 10 - 2016, 09:39 AM
|
|||||||||||
|
|||||||||||
|
اوعي حد يقولك أنك أم سيئة لمجرد أن تشيرت الواد نضح عليه حاجة في الغسيل أو بنطلون اتحرق وأنتي بتكويه ولا نسيتي تحطي الزمزمية يوم في شنطة المدرسة أو فوطة التمرين في شنطة النادي .. أوعي يقنعوكي أن ابنك لازم ياكل موزة وهو عنده شهرين علشان يبقلظ وانتي مش فاهمة تبقي أم علشان بتسمعي كلام الدكتور. . ياختي ما كبرنا وربينا هو الدكتور هيفهم اكتر مننا .. اوعي حد يلومك أن ابنك وقع ولا اتعور ولا اتخبط فانتي مهملة أنك مش مراقباه حتي وهو نايم ! اوعي المجتمع السلبي اللي بيحطم الامهات مش بيدعمهم يغريكي بالفشل وتقومي محبطة وتمارسي امومتك من غير روح .. أنتي مش بتبيعي خطوط في شركة موبيلات وعندك تارجت اخر الشهر .. أنتي ام حتي لو غلطتي بتتعلمي .. حتي لو نسيتي هتضحكي علي الموقف ده لما عيالك يكبروا .. طز في التشيرت والبنطلون ابنك محتاج دعم نفسي وانساني، محتاج حد يحضنه ويقوله أنه بيحبه مهما حصل ومهما وقع ومهما مرض هو في ضهرهه .. المجتمع محتاج ناس سوية وبيحبط الام اللي المفروض دورها تبني شخصية سعيدة لأنها بتأكل ولادها بالضحك والهزار مش بالشخط ولازم الطبق يخلص علشان المجتمع هيعاقبها ازاي ابنها رفيع كده ! 
|
|
العرض الشجري