في فيلم "Me Before You" البطل كان مُكتئب دايمًا بسبب أنُه عمل حادثة وبقى عاجز عن الحركة وقاعد في كرسي مُتحرك ، بعدين بقى حبيبتُه كملت عليه لما غدرت بيه وأتخلت عنُه وراحت عملت علاقة مع صديقة وهتتجوزه.
،،
- في حفل زفاف حبيبته على صاحبُه راح حضر ومعاه الممرضة بتاعته ، ف الممرضة لاحظت عليه الحُزن وشدة الأكتئاب ف قامت راحت طالعه ع الكرسي المُتحرك وقعدت فوق رجليه وقالتلُه سوق بينا نرقص سوى. ف مردش عليها وسكت ف قالتله : "مُش هتعيش غير حياة واحدة ، فَ حاول تفرح فيها على قد ما تقدر". هنا بصلها وأبتسم وقام مشي بالكرسي المتحرك وهو شايلها على رجليه ورقص بيها وسط أنبهار من كل الحضور.
،،
- ناس كتير مننا موقفة حياتها ع ناس تانيين سابوهم وراحوا لغيرهم ،، انتم فاكرينهم وهما ناسيينكم مع غيركم ،، متوقفوش حياتكم على حد ،، أفرحوا ،، عيشوا ،، كملوا حياتكم مع غيرهم وطظ فيهم ،، متخلوش حد يكسركم وهو يفرح. وأعرف ان في الوقت اللي انت هتقعد تبكي وتملى عيونك دموع ممكن يعدي عليك شخص يكون هو دوا قلبك وروحك.
11 - 10 - 2016, 09:10 PM
العرض الشجري