|
 |
 |
 |
|
رقم المشاركة : ( 1 )
03 - 10 - 2016, 02:12 PM
|
|||||||||||
|
|||||||||||
|
كـفتة الأرز  الــمــقــاديــر : كيلو لحمه حمرا خالص ومفرومه ناعم (( وممكن تكون لحمه جملى بتبقى تحفه )) عدد 2 كوب ارز مغسول ونتركه يتصفى و ينشق و نطحنه بودر بالمطحنه النوابل بصلتين متوسطين + رأس توم صغيره + ملح و فلفل اسود و كمون و معلقه كبيره شطه +معلقه كسبره ناشفه وناعمه و معلقتين نعناع ناشف وناعم خضره ( ربطه كسبره + ربطة شبت + ربطة بقدونس ) مغسولين كويس ومتصفيين على الاخر هناخد الأوراق فقط الــــطــريــــقــه : نفرم اللحمه ناعم و نطحن الارز يبقى بودره ناعمه و نحط البصل فى الكبه ونفرمه ناعم جداااْ وبعدين نحط معاه الخضره ونعمه قوى ونحط اللحمه فى طبق عميق ونحط عليها الارز ونقلب كويس جداااْ و ندعكهم باليد ونحط عليهم البصل والخضره المفرومين ناعم ومعاهم كل التوابل ونقلب لحد ما يتخلطوا ويمتزجوا ببعض الخطوه دى مهمه جدا ناخد من الخليط ده كوره ونحطها فى الكبه ونشغل يادوب لفتين علشان نضمن انهم امتزجوا كويس ولازم تلف لحد ما تلم جوه الكبه وتتكور يبقى تمااااام .. نطلعها ونحط غيرها لحد ما نخلص الكميه كلها ... هنلاقى لونها بقى اخضر جميل جدا نعملها صوابع بس ندهن ايدنا بالزيت علشان متلزقش و احنا بنصبعها ولما نخلص كل الكميه نحمرها بزيت غزير ويكون سخن لما تصل للون الدهبى الغامق نطلعها على ورق مناديل لما تبرد خالص ولو الكميه كتيير تحطيى جزء منها بكيس فى الفريزر لطبخه تانيه ونكون مجهزين الصلصه طــريــقــه الـــصـلـصـه نضرب طماطم فى الخلااط ونصفيها من القشر و البزر ونحط حله على النار وفيها معلقه كبيره سمنه او زبده وزيت المتوفر .. ونحط فيها معلقه كبيره توم مفروم ولما يصفر نحط عليها الطماطم المعصوره ونكون بشرين بصله صغننه (( وممكن لأ )) بس انا حطتتها عليهم وغطتتها وسيبتها تتسبك على الاخر وبعدين زودت عليها لتر ميه مغليه ونزلت فيها الكفته المحمره وسيبتها لحد ما استوت و طبعاااْ نظبط الملح ونحط فلفل اسود و طبعاااْ لو احتاجت تزودى ميه زودى ولما استوت حطيت معلقه كبيره نعناع ناشف ونعمتها خالص بأيدى ويادوب 3 دقايق وطفيت 
|
|
| قد تكون مهتم بالمواضيع التالية ايضاً |
| الموضوع |
| لقد واصل طريقه إلى أورشليم، وكان طريقه هو الأشق والأصعب |
| مزارع الأرز |
| الأرز |
| شجر الأرز |
| الأرز |
العرض الشجري