الخبز الهندى
(ده بقى رائع ومالوش حل جربوة هاتحبوة )
المقادير :
2 كوب دقيق ابيض
1 معلقه صغيره خميرة فوريه
ملعقة كبيرة من السكر
نص ملعقة كبيره ملح
1 كوب مايه
2 معلقه زيت
نص معلقه صفيره بابريكا
ونص معلقه صغيره كركم او كارى بودره
كمان هحتاج منك معلقتين خضره مشكله مفرومه بقدونس وكزبره وشبت
الطريقة :
هتخلطى كل المكونات دى مع بعضها لحد ماتعمل معاكى عجينه عاديه متماسكه كانك بتعجنى بيتزا بالظبط بعد كده هتسيبى العجينه دى تريح معاكى وتخمر بس مهم انك تغطيها كويس عشان مش تعمل طبقه معاكى فوق العجينه بعد كده هتقسمى العجينه لكرات صغيره وبعدين تفرديها بالنشابه رفيعه وتقدرى تسويها على صاج او فى طاسه تيفال مدهونه زيت بسيط جدا وتقليبها زى الكريب لحد ماتخلصى الكميه كلها وممكن كمان فى الفرن
وبالهنااااا والشفاااااا
