عريس -o !!!!!

[Rena Jesus]

عريس -o

بوستات نازلة فى كل مكان و على جروبات التعارف و الارتباط بتقول :
خدى اللى يحبك
خدى اللى يعيشك ملكة
خدى اللى يبسطك و يهزر معاكى
خدى اللى يتحملك و يقبلك زى ما انتى
خدى اللى يشوفك جميلة رغم ضعفك و عيوبك
خدى خدى خدى...!!!!

هو البنت هتفضل تدور على الكائن ده اللى بيدى و بس!!!
هو فيه حد هنا فى الكون كله بيدى بس يا خوانا؟
يعنى الموديل بتاعة بيدى بس؟؟
اقولك حاجة... خدي عريس -o
بيقولك يا ستى ان فصيلة الدم دى بتدى كل الفصايل...
شوفتى الهنا اللى انتى فيه؟؟!!

بيقولك العريس اللى فصيلة دمة -o ممكن يدى لكل الناس
ياله يا ستى هيصى
لما تلاقى عريس كدة ابقى اتجوزية علشان ده بقى اللى هيديكى كل حاجة
عايزة تاخدي؟؟
خدى ..
هنبطل امته التهريج ده يا جماعة؟؟!!! هااااا
البوستات اللى من النوع ده اضحوكة بجد

لما نحب نكتب موضوع متوازن عن الارتباط فنقول :
خدى اللى انتو الاتنين ترتاحو لبعض
تعرفوا تاخدو على بعض
تحتملوا بعض
تشيلو حمول و ضعفات بعض
تستحملوا عيوب بعض
تعيشوا على الحلوة و المرة مع بعض
تفرحوا بعض .. او حتى تنكدوا على بعض بس نتصالح بسرعة
تشوفوا جمال بعض مش عيوب بعض

هو ده الكلام اللى يتقال
انما لو فضلتى تدورى على الحد اللى هيديكى كذا وكذا ...
و خدى اللى يعملك فيها قرد و يعملك فيها اراجوز علشان سيادتك تضحكى...
خدى اللى يحبك و يهننك و يدلعك و متاخديش اللى تحبية
لو هتعملى كدة يبقى احب ابشرك بال............

نكبر بقى شوية هاااا
و انت كمان اكبر شوية ومتخليش حد يقولك خد اللى تحبك و تموت فى دباديبك
ثم تعالى هنا...ايه موضوع الدباديب ده اللى البنات بتموت فيه!!!!هاااااا
هو دبدوب واحد اللى هو حضرتك و ربنا يكرمك بدبدوبة زيك تموتوا انتوا الاتنين فى دباديب بعض ونخلص بقى....
حيرتونا معاكم