|
 |
 |
 |
|
رقم المشاركة : ( 1 )
16 - 09 - 2016, 07:46 PM
|
|||||||||||
|
|||||||||||
|
ألاسطوانة!! عايزه اتكلم النهاردة على كلام بيتقال بين المرتبطين.. هو كلام غريب جدااا و مش فاهمه هو بيتقال ليه ؟؟؟ لكن خلونا ناخد الحوار ده بين اتنين مخطوبين او مرتبطين _ حبيبى _ نعم _ هو انت بعد الجواز هتفضل تحبنى _ اه يا حبيبتى هفضل احبك علطول _ طيب هتساعدنى فى المطبخ و هتشاركنى تعبى.. بص مش لازم تعمل حاجة فى المطبخ بس اقف معايا بس _ اه يا حبيبتى اكيد طبعا _ طيب هتخاف عليا بعد الجواز؟ _ اكيد طبعا _ هتبقى حنين عليا؟ _ اكيد يا حبيبتى _ هتاخد رأيي فى كل حاجة وله هتمشى رأيك؟ _ لا طبعا هنعمل كل حاجة مع بعضينا يا عمري طبعا انا مش فاهمه هى ايه لازمة الاسئلة دى من البنت للولد؟؟ يعنى هو لما رد عليكى و قالك كل الكلام اللى نفسك تسمعية و هيعملك كل حاجة نفسك فيها.. انتى كدة واثقة مليون فى المية انه هيعمل كده؟؟ لأ حضرتك مفيش ضمانة طبعا لان بمنتهى البساطة ان الانسان بطبعة متغير ممكن يقولك اه فعلا هعمل كده لكن فى يوم او وقت معين فى حياتة هيرجع من شغلة اصلا مش طايق نفسة ومش هيساعدك فى ولااااا حاجة فده معناة انه مخادع او كداب؟؟ لا طبعااااا من فضلكم.. الاسئلة دى افتكر ملهاش قيمة اوى حلو انك تسألى لكن ضمان الاجابة هتلاقية فى الحياة العملية و لازم تتوقعى التغيير لان ده العادى فى طبع الانسان و بنات كتير بتحب تسمع الكلام ده علشان ترتاح نفسيا و تطمن ناحية الولد بس هو يعنى كان ماضى عقد معاكى؟؟ فيه شرط جزائى لو مقطعش الطماطم فى المطبخ او نسى يقلب البطاطس على النار؟؟!! من فضلك خدى بالك ان اسئلتك دى هى مجرد اسئلة فقط ... و اجاباتة هى اجابات فقط مع الوقت هيعمل ده..؟؟؟ اه لكن فيه وقت تانى مش هيقدر يساعدك و اوقات هياخد قرارات لوحدة من غير ما يرجعلك لانه عارف رأيك مسبقا لانه عارف دماغك فا متتعصبيش انه مخدش رايك فى موضوع ما بلاش تسمعى اسطوانات تصبرى نفسك بيها وخلاص يعنى لو خطيبك او حبيبك اصلا انسان عصبى و عنيد و مخة ناشف و انتى بتسالية انت هتاخد رايي بعد الجواز و هنسمع كلام بعض و هتبقى حنين عليا.. وهو قالك اه فاأعتقد انه مش حقيقى فى ردة علشان انتى طالع عينك معاه فى الخطوبة بطباعة العادية امال بعد الجواز هيبقى عامل ازااى؟؟؟ خدى بالك من تصرفات الطرف الاخر فى فترة التعارف و الخطوبة لان دى تقريبا بتكون طبيعتة الحقيقية فا متاخديش اجاباتة اجابات اكيدة الواقع اصدق كتير من الاجابات 
|
|
العرض الشجري