|
 |
 |
 |
|
رقم المشاركة : ( 1 )
14 - 09 - 2016, 10:58 AM
|
|||||||||||
|
|||||||||||
|
"حتي يفرقنا الموت " أو زي ما بتتقال بره “ till death do us part ” .. الجملة ديه كانت مسببة ذعر للمدون Drake Baer و هو إن أزاي ممكن اتنين يقرروا يعيشوا مع بعض من غير ملل او قرف لغاية ما يفرقهم الموت !! و الحقيقة إن الواحد لو بص للموضوع ده بشكل عقلاني حيلاقيه فعلا مرعب !! فانت بكل ارادتك و وعييك حتكرس كل سعادتك و محبتك لشخص واحد , حتي مصادر متعتك سواء علاقة اجتماعية , عاطفية او حتي جنسية ! مع شخص واحد بس !! و مطلوب منك تستحمله بعيوبه و أخطاءه لغاية الموت ..! طب ازاي ؟! الـ Emotional Fluency ( المرونة العاطفية ) .... فالإنسان بطبعه مابيشبعش .. يعني بمجرد وصله لاقصي درجات الإكتفاء من حاجة بيبتدي تلقائيا يدور علي حاجة تانية تسد إشباع مختلف عنده , فمفيش حد و لو مثلا بيحب المانجا حيفضل ياكل مانجا لغاية ما يفرقه عنها الموت !! ... فالانسان يقدر يستحمل مقدار معين منها و اللي لما يوصله يبقي خلاص مفيش لا رغبة و لا متعه في الاستمرار تاني .. بس الحقيقة إن المثل ده مينفعش يمشي مع الحب , عشان الحب الحقيقي بين اي اتنين لا ينفع يكون له ابعاد محددة زي الأكل او هو بيدخل في منطقة ضيقة يسد الفراغ اللي جواها زي المعدة ! .. فالمرونة العاطفية زي ما شرحها Drake Baer في مقالته علي موقع science of us هي المهارة المطلوبة في إدراة اي علاقة عاطفية , هي اللي بتخلي العلاقة بين اي اتنين مش زي المانجا ! .. فهي الذكاء في تناول و تقديم شكل الحب اللي بين الطرفين .. فالحب علاقة متجددة , كل لحظة في نوع جديد من الإبهار و التنوع , في مجهود من الطرفين لتقديم الأمور بينهم بشكل ممتع و مبهج .. فحتي في اتعس الظروف العملية او المجتمعية بيكون الحب اللي بين الاتنين هو زينة اللي بترسم الأمل في قلبهم و روحهم .. و ديه من اهم عناصر الحب الصادق .. أنه علي مدي قوته هو مرن و متجدد . فاللي بيحب حد جملة زي " حتي لا يفرقنا الموت " مش بتبقي جملة لفظية بتتقال في مناسبة معينة , إنما بتبقي سلوك حياتي موجود في كل ثانية بيقضيها مع حبيبه ده , فهو بيبذل مجهود و تفكير في التعامل مع حبيبه بشكل ممتيز و مدهش .. فهو مرن في تحديد الكلمة المناسبة مش صادم في اختياره لتعابيره , سلس في التعامل مع إي عيب من شريكه مش بيتصد الأخطاء و يفضل يندد بيها .. هو بكل بساطة بيتعامل مع روح حره مستعدة لتقديم حب و مستعدة لاستقبال الحب .. علاقة متبادلة قايمة علي التفاعل المتجدد .. مش مجرد حاجة مادية يتزهق منها .. مش مجرد وسيلة قامت بدورها .. مش مجرد مانجا .! كيرلس بهجت 
|
|
| قد تكون مهتم بالمواضيع التالية ايضاً |
| الموضوع |
| حتي يفرقنا الموت |
| كيف تعالج مشاعر ابنك العاطفيه في سن المراهقه |
| احيانا يفرقنا الحزن |
| الرابطه العاطفيه بين الطفل وأمه |
| تحليل الشخصيه من الناحيه العاطفيه |
العرض الشجري