|
 |
 |
 |
|
رقم المشاركة : ( 1 )
12 - 09 - 2016, 12:16 PM
|
|||||||||||
|
|||||||||||
 من كام يوم .. قلت اقوم بحركة تنضيف .. مسكت المقشة .. ودخلت اجيب الجاروف .. لقيته مليان تراب لازق فيه .. مسكته وقعدت انضفه .. ورجعته تانى زى الفل .. بس وانا باركبه فى العصاية بتاعته .. لقيت نفسى سرحت .. هو ازاى الجاروف ده .. اداة تنضيف .. وهو مش قادر يحافظ على نضافته هو نفسه .. ازاى يبقى هو بيشيل التراب .. من الشقة كلها .. ومايقدرش يحمى نفسه .. من ان التراب يلزق فيه .. ويستنى اللى ييجى ينضفه .. وكان الدرس .. قلت طب مانا كمان كدة .. ممكن اقابل حد فى حياتى .. بيتصرف تصرفات مش صح .. ويبقى دورى معاه انى احاول اخليه يبطل .. وتبقى النتيجة غير كدة .. بدل ما هو يبطل .. انا اتعلم والاقى نفسى زيه .. ويبقى ساعتها المبرر .. اصل انا لازم ازعق .. عشان اوقفه عند حده واخليه يبطل يزعق فيا .. اصل انا لازم اشتم .. عشان اوقفه عند حده واخليه يبطل يشتمنى .. اصل انا لازم امد ايدى عليه .. عشان اوقفه عن حده .. واخليه يحرم يمد ايده عليا .. وتبقى النتيجة .. بدل ماحنا عندنا واحد بس .. بيتصرف التصرفات دى .. اننا بقينا اتنين .. ساعتها ادركت .. انى ماينفعش ابقى زى الجاروف .. بانضف كتير .. لكن مش قادر احمى نفسى من التراب .. ولازم استنى اللى ييجى ينضفنى انا كمان اللى قال زمان .. مين عاشر القوم .. 40 يوم .. يا صار منهم .. يا صاروا منه .. ساب قدامك الاختيار .. يا إما تبقى عندك ارادة .. وتقدر تأثر فى اللى حواليك .. من غير مانت تتأثر .. يا اما تلاقى نفسك .. زى الجاروف .. فى عز مانت بتنضف .. محتاج اللى ينضفك انت نفسك خلى بالك .. جاروف العيشة .. موجود عندنا كلنا .. والشاطر اللى ينضف .. ومايستناش اللى ينضفه .. والكلام ده حقيقى جدااا ... أمير تادرس 
|
|
| قد تكون مهتم بالمواضيع التالية ايضاً |
| الموضوع |
| حاولوا تشوفوا الدنيا من العدسه الحلوه |
| العيشه مش فلوس العيشه رضا النفوس |
| نيوزلندا تعلن الحداد رسميا على "خاروف |
العرض الشجري