مـــاهــى سكــرات المــوت؟؟؟
أما سكرات ما قبل الموت فقبل أن تنتقل الروح إلى السماء يا أحبائي، فيكون فيه شيء من التمهيد. أوعوا تفتكروا أن حد بيموت فجأة، حتى الذين يموتون في حوادث، يكون في شيء من التمهيد. + يقول أبونا أبرام كاهن كنيسة نيوجرسى عن حادثه صعبه. الأسرة التي ذُبحت في نيوجرسى في أمريكا بنت صغيره عندها 16 سنه في أمريكا. قبل ما تموت بـ 6 أيام كانت بتعترف عند أبونا سوريال قالت له يا أبونا أنا نفسي أموت شهيدة. ما الذي يجعل بنت عندها 16 سنه في أمريكا اللى بيقولوا عليها أمريكا، أنها تقول نفسي أموت شهيدة! هو الاستشهاد بيكون في أمريكا؟ هو أحنا رجعنا لعصور زمان ولاّ إيه؟! لا دى سكرات ما قبلالموت. طوبى لمثل هذه البنت. ربنا ابتدأ يُعدّها دى ما تسمى بـ سكرات ما قبل الموت الإعداد اللى ربنا بيعمله للنفس قبل أن تنطلق.2. أما سكرات الموت والإنجيل وصفها بكذا تعبير. من ضمن التعبير أنا بتكلم باختصار لأنه بحث طويل. من ضمن التعبيرات، اللى قالها الإنجيل، إنها لحظة انطلاق. يقول معلمنا بولس الرسول "لي اشتهاء أن أنطلق وأكون مع المسيح ذاك أفضل جداً" وداود النبي يقول "اخرج يا رب من الحبْس نفسي" زى عصفور محبوس في القفص عاوز يطير، اخرج يا رب من الحبس نفسي. وسمعان الشيخ لما أستقبل المسيح في الهيكل، قال: "الآن يا سيد أطلق عبدك بسلام" هي لحظة انطلاق. ومرّه تانى، يصف الإنجيل سكرات الموت بلحظة الرجوع.3. أما المرحلة الثالثة فهي سكرات ما بعد الموت خلاص الجسد يوضع في التراب، والروح بتعود وتنطلق. وسكرات ما بعد الموت، نعرف عنها القليل، أما عن هذا القليل الذي نعرفه عنها، أعتقد أنه يحدث حفل استقبال ملائكي، في لحظة الانطلاق. وبعد لحظة الاستقبال الملائكي للأرواح البارة تدخل الفردوس.ونقول إنه:- أ. لحظة الاستقبال الملائكي.ب. لحظة دخول الفردوس.وهى لحظة عجيبة جداً. جداً. جداً مُبهجه للغاية.لما أنعم الله على معلمنا بولس الرسول ودخل إلى السماء الثالثة (الفردوس) حصل له حالة دهْش وعجب ومقدرش يعرف يقول إيه، فبولس الرسول الفيلسوف العظيم، كل اللي قدر يقوله: "ما لم تره عين". يعني كل اللي انتم شيفينه في العالم ده، فوق مستوى النظر. مهما شُفت منظر جميل في العالم، مهما شُفت من جمال في العالم، هو فوق مستوى أي منظورات. وقال "ما لم تسمع به أذن".+ النقطة اللى بعد كده أقولها وقلبى بيتخشع جداً "لحظة رؤية الله" تقول الله في الملكوت؟ الله موجود في كل مكان. قال للص اليمين "اليوم تكون معي في الفردوس" فالله موجود في كل مكان، قطعاً موجود في الفردوس. هي لحظة بهجة للغاية عجيبة جداً. بيتخشع قلبي للغاية. لمجرد ذكر الاسم.4. المرحله اللى بعد كده "رؤية القديسين":- يا سلام! لو واحد فينا بيحب العذراء مَحّبه خاصة، بيجى ملاك يتجول به ويبدأ يعرّفه على سكان السماء.وهذا ما يسميه قداسة البابا، حفلة التعارف العظمى وبيشوف "العذراء والقديسين كلهم" واللى بيحب "مارمينا" يقوله الملاك، تعالى أوريك مارمينا. ويشوف مارمينا ويلتقى معاه. واللى فينا بيحب الفقراء جداً ويدافع عنهم ويحب الأنبا ابرآم مثلاً. فيقوله تعالى أوريك "الأنبا ابرآم" وتبتدى "حفلة التعارف العظمى".المرحلة اللى بعد كده أنا معرفش مين بعد مين. لقاء الأحباء الذين سبقونا للمجد، الأحباء من اللى عشـنا معاهم، لأن بيكونوا كما نسـمع في الإنجـيل فـي "حِضن إبراهيم وإسحق ويعقوب".كلمة أحضان معناها مشاعر. وبيكونوا الناس الأحباء مع بعضهم في درجه روحيه واحده.لذلك يا أحبائي، دائماً الناس الأبرار، لما بينتقلوا أحنا كل اللى بنزعل عليه، الفراق بس، إنما الأبرار اللى بينتقلوا إحنا بنهنئهم إنهم وصلوا إلى السماء. أختم كلمتي بقول مأثور أقوله كثيراً وسمعته من متنيح الذكر مطران بنى سويف عن الأنبا مينا آفا مينا والأنبا كيرلس السادس. وقف الأنبا أثناسيوس يقول "لست أدرى يا أحبائي كيف أستقبل روح البابا كيرلس السادس روح تلميذه وحبيبه الأنبا مينا وهنأه بسلامة الوصول".
نيافة الانبا يؤانس.
16 - 08 - 2016, 10:50 PM
العرض الشجري