الفلوس هى كل حاجه مفيش كلام

[Rena Jesus]

الفلوس مهمة جدا واللي يقول غير كده يبقي بيقول أي كلام والسلام
الفلوس مهمة عشان أساسيات الحياة من معيشة وأكل وشرب.
وياسلام لو في شوية فلوس زيادة لشوية رفاهية
فسح وسفر ....ياسلااااام
شوية شوبنج.... مفيش كلام
عربية حلوة...ومستوي معيشة ارقي..اوعدنا يارب
اكيد بعد دا كله مش هينفع حد يقول الفلوس مش كل حاجة

بس

‏فجأة تلاقي نفسك جيوبك وأيديك الاتنين مليانين فلوس ومش عارف تشتري صحة ، حياة، ابتسامة
واقف عاجز مش عارف تعمل عملية هتفيد صحتك وتخليك أحسن و معاك كل فلوسها بس طبيعة جسمك ترفض العملية....
واقف عاجز مش عارف تفرح من قلبك ولا تضحك ضحكة بجد بالرغم انك بفلوسك ممكن تسافر جزر المالديف لو عايز....
حد عزيز عليك سافر ومش عارف ترجع دقيقة واحدة تعيشها معاه...

وقتها فعلا هتأمن وتصدق إن الفلوس مش كل حاجة وهتلاقي إن ‏الرضا وقتها هو اللي كل حاجة
وتلاقي أولوياتك أتغيرت والترتيب بقي مقنع ان الرضا فعلا أهم من الفلوس

الرضا هو اللي في عز تعبك وعياك ممكن يخليك تبتسم من قلبك وقت ما تكون الابتسامة ملهاش مكان.
وتكتشف إن الرضا هو أول خطوة لحياة السعادة ...
وتكتشف إنك عرفت تحل المعادلة. بما أن قلبك فيه ربنا ومليان رضا إذن قلبك سعيد
‏الرضا_هو_اللي_كل_حاجة