|
 |
 |
 |
|
رقم المشاركة : ( 1 )
11 - 08 - 2016, 06:20 PM
|
|||||||||||
|
|||||||||||
|
المرأة لا يناسبها الفول تايم جوب full time job ازاي ابقى اصحى 6 الصبح. احضر ساندويتشات و البس الولاد و اوصل مدارس و اعافر في الزحمة لحد ما اوصل الشغل. اروح الشغل اشوف مصالح الناس و احل مشاكل الشغل و اشجع التيم بتاعي عشان يشتغلوا احسن و اخلص الساعة 5 – 6 مساءا اروح البيت احضر الغدا و اوضب السفرة و أأكل جوزي وولادي اخلص و نبتدي حرب و خناقة المذاكرة و ما ينتج عنها من صرخات و شتايم لا انسانيه. ننزل بأه نروح التمرين... ألبس و أقلع و أهدي و أطبطب و أرجع احضر العشا و انيم الولاد. اوعوا تفتكروا ان اليوم خلص على كده ..... ابدا لسه هاقوم ابتدي رحلة لململة البيت (من فوق الوش) و ترتيب المطبخ و تجهيز غدا تاني يوم. ييجي الويك اند اللي بنتمناه طول الاسبوع تنظيف عميق و نروح نزور اهلنا من الدرجة الاولى ممتاز و قضاء المشاوير الغايه ف الاهمية جدا جدا جدا زي السوبر ماركت و سوق الخضار. يبقى الأمل ف أجازة الصيف ... ايوه بقى ... لأأأأأأأأأأأأأأأأأ ..... الاجازة اتبعزءت بين البحر و البيسين و القلع و الحما و ارجع من الاجازة محتاجه اجازة ... شوفتوا فاتني ايه : فاتني اقرالي شوية ف الكتاب المقدس و لا اصلي بضمير شوية. فاتني اقعد مع جوزي اشوفه عامل ايه و لا بقى عنده كام سنه. فاتني اكلم اهلي اتطمن عليهم و لا اروح اشوف ماما اللي ماتتمناش من الدنيا غير ان ولادها يبقوا جنبها ف كبرها. فاتني اقعد مع ولادي اعرف مشاكلهم ايه و لا حتى هوايتهم ايه بدل العيشه الجري ف جري دي. فاتني اروح للدكتور عشان اكشف على سناني اللي مموتاني و لا على عينيا اللي دخششت من الكمبيوتر. فاتني العب شوية رياضه عشان مفاصلي اللي بطلت تشتغل و هاتنتهي صلاحيتها بالكتير اوي و انا 40 سنة. فاتني اخد بالي من اكلي و انا بلملم الاكل اللي ورا الولاد و اكله بدل ما يترمي حرام. فاتني اتعلم حاجة جديدة ف حياتي بدل مانا عمالة اكرر سيناريو سخيف. فاتني ارتاح ... فاتني اوقف تفكير .... فاتني ابص ف المرايه عشان اشوف شكلي بهقى عامل ازاي .... بذمتكوا ينفع كده ... دي حياة دي .... و المفروض بعد كل ده ابقى انثى لطيفة ظريفة خفيفة كيوت محتفظة بانوثتها و جمالها و شبابها و طعامتها.... النظام ده نهايته كائن وحيد، منهك، مكتئب، منفسن، حاسس بالظلم من كل شئ حواليه... اعذروني لو كلامي عنيف بس هي دي الحقيقة و عن تجربة. المجد_للمرأة_العاملة 
|
|
| قد تكون مهتم بالمواضيع التالية ايضاً |
| الموضوع |
| رجيم الـ7 أيام للمرأة العاملة |
| مكياج ناعم وطبيعي للمرأة العاملة! |
| 4 نصائح ضرورية للمرأة العاملة |
| نصائح منزلية سريعة للمرأة العاملة |
| نصائح للمرأة العاملة لتوفير وقت الطهي ..!! |
العرض الشجري