|
 |
 |
 |
|
رقم المشاركة : ( 1 )
25 - 07 - 2016, 12:01 PM
|
|||||||||||
|
|||||||||||
|
أنا عندي مشكلة مع اللي بيعتبر الثانوية العامة هي المُنتهى،
وكأنها هي المرحلة اللي هيتأسس عليها بقية حياتك، ودي أسطورة.. 70% من المصريين شغالين في حاجات ملهمش علاقة بيها، حتى اللي بيدرس مجال عاوز يشتغل فيه؛ بيكتشف إن متطلبات سوق العمل ملهاش علاقة باللي درسه بس، لازم كورسات، لازم خبرة، لازم يطور من نفسه ويشتغل في شيء موهوب فيه عشان ينجح فعلًا في حياته العملية، مش يتحول لترس في مكنة، محدش حاسس بيه، ويموت برضو من غير ما حد يحس بيه.. مفيش كلية في مصر دلوقتي بتضمن لدارسيها مستوى مادي عالي، غير بشروط تانية مع الدراسة نفسها.. مصطلح "كليات القمة" نسفه الواقع. لو جبت مجموع عالي، افرح، وعيش فرحتك، بس متخليش الفرحة تعميك عن حقيقة إن لسه السكة طويلة أوي قدامك.. فيه حقيقة مُروّعة بتقول إن فيه دكاترة بيقبضوا 250 جنيه تقريبًا، ومهندسين مش لاقيين شغل خالص.. ولو جبت مجموع قليل، أرجوك متقعش في فخ الاعتقاد إن دي نهاية العالم، يمكن دي تكون البداية في طريق إنك تعيد اكتشاف نفسك ومواهبك وقدراتك. مش كل متفوق في الثانوية العامة بقى ناجح في حياته، ولا كل فاشل فيها بقى فاشل في حياته.. الحياة أكثر رحابة من كده، المهم أنت يكون عقلك مستوعب ده، مدرك، عندك قدرة على تجاوز اللحظة، سواء كانت حزن أو فرح، وإنك تفكر لقُدام، ومتستسلمش للي بيحاول يفهمك إنك كده خلاص حققت كل اللي بتتمناه، أو اللي بيحاول يفهمك إنك خلاص كده ضعت. 
|
|
| قد تكون مهتم بالمواضيع التالية ايضاً |
| الموضوع |
| لكنه وعد ان يشفينا |
| لكنه قام |
| هو ليس هنا..لكنه قام |
| لكنه لم يفعل |
| أنه ليس ها هنا لكنه قام |
العرض الشجري