دور جوه قلوب الناس ... هتلاقي الناس محتاجة حب ... جعانة حب ... الجوع الي الحب اعظم من الجوع الي الخبز ...
اوعى اول ماتكلم حد جعان حب ... تقوله المسيح بيحبك ... محبة ابديه احبك ... اوعى توعظ وتكلم الناس عن حب ربنا وهم مجروحين من اللى حواليهم ... ساعتها عمرهم ماهيسمعوك ... اسمعهم زى ماسمع المسيح السامريه ... وبعدين حبته حب كبير ... افهمهم زى ما المسيح فهم المجروحين والتعبانين وبعدين حبوه ومسكوا فيه ...
خدهم فى حضنك ... غرقهم حب ... اسمعهم ... سيبهم يفضفضوا ... افهمهم ... حس بيهم ... طيب خاطرهم ... من غير وعظ وتاملات ... ومن غير ماتحطلهم صورة المسيح وتعملهم تاج وتقولهم هو ده الحب الحقيقى ... لا خليك انت الصوره اللى يشوفوها ويحبوها ... وساعتها لما يحبوك هايعرفوا يحبوا المسيح اللى احبنا للمنتهى ... هيدوقوا الحب المفقود في حياتهم ... وهيشبعوا بمحبة ابوهم السماوي ...
الحب مش وعظ ... الحب ... ضحكه مع مجروحين ... مع خطاه متألمين ... حضن لكل مفتقد الحب ... حضن مليان بنعمه المسيح وحب المسيح ... قلب شبعان وغرقان بمحبة ابوه وبيفيض علي الناس ...
كفاية وعظ عن الحب ... خليك مسيح ...
20 - 07 - 2016, 11:47 AM
العرض الشجري