حربنا ليست مع دم ولحم

[walaa farouk]

اننا في حرب فعلا وكل يوم في ناس بتموت ولاكن الحرب دي مش مع البشر ولاكن دي حرب من نوع تاني
"فان مصارعتنا ليست مع دم ولحم، بل مع الرؤساء، مع السلاطين، مع ولاة العالم على ظلمة هذا الدهر، مع اجناد الشر الروحية في السماويات. 13 من اجل ذلك احملوا سلاح الله الكامل لكي تقدروا ان تقاوموا في اليوم الشرير، وبعد ان تتمموا كل شيء ان تثبتوا. " (افسس12:6 )
يعني انتا في حرب كل يوم مع ابليس ولو عايز فعلا تكسب الحرب خد سلاحك الي هو كلمة الله وانزل حاربه هتلاقي كل ردود المسيح علي ابليس من الكتاب المقدس اثناء التجربة يعني مثلا لما قاله حول الحجارة لخبز والمسيح رفض هل الخبز غلط طبعا لاكن طيب ليه رفض المسيح عشان تفهم ان ابليس ممكن يجبلك شئ يوقلك لو معملتش ده هتموت والدنيا هتخرب ولازم تعمله وعادي مش غلط لاكن طبعا كل كلامه كدب او يجي يغريك بجمال العالم والخطية والشهوه عشان تركع تحت رجليه ولاكن المسيح قاله للرب فقط تسجد يعني متتخدعش في جمال الخطية لانها وان كان لها متعة موقته فلها نتائج مدمرة مدي الحياه وافتكر الي حصل لشمشون من بعد ما كان نذير لله تتقلع عنيه ويدور زي الحيوان الخطية نتجتها صعبة اوي
او يجي يحاربك من كلام الكتاب بمعني انه يخليك تفهمه غلط عشان يوقعك في الغلط قال للمسيح انه الله يوصي الملائكة تحملك فالقي نفسك فرد عليه ايضا مكتوب لا تجرب الرب الهك يعني لازم تبقي فاهم مش بس حافظ او تقرا عشان تعرف ترد عليه
ولاكن لكي تنتصر لازم تفتح الكتاب وتقرأ فيه عشان تعرف اذاي تحارب اي جندي لازم يكون عارف اذاي يشغل سلاحه عشان ينتصر ولازم برضو تكون صاحي وفاهم هو بيفكر اذاي كتير هيجي يبررلك الغلط زي ما عمل مع حواء او هيجي يقولك عادي مهو كله بيعملها او مين قال انها غلط المهم عنده يوقعك وتخسر المعركة
اعرف انك كل يوم وكل ساعة في حرب معاه ياتفتح كتابك وتطلب القوة من الرب وتنتصر يا تنام علي خط النار وتستسلم وتموت
مش هتموت حرفيا لاكن هيموتك بالبطي هيخليك تصغر اوي في عنين نفسك وعنين الناس هتحس نفسك تافه وفاشل وحياتك من غير هدف وهيدمر كل حياتك بافكار غلط عن نفسك وعن الله هتخليك عايش ميت ولاكن لما تبدا تقرا من اول انجيل متي وتشوف اذاي كان عايش واذاي بيعامل الناس هتغير كتير في فكرك عنه وحيات الرسل والرسايل هتلاقي كلام كتير هيرد علي اسئلتك وهتعرف الله بجد وهتلاقي هدف وقيمة وسلام وفرح
وافتكر انتا في حرب يا تكسب يا تموت
ولو لسه مش مقتنع انك لو مفتحتش كتابك وعرفته كويس كله هتهلك شوف الاية دي
" قد هلك شعبي من عدم المعرفة.لانك انت رفضت المعرفة ارفضك انا حتى لا تكهن لي.ولانك نسيت شريعة الهك انسى انا ايضا بنيك." (هوشع 6:4)