|
 |
 |
 |
|
رقم المشاركة : ( 1 )
09 - 07 - 2016, 11:47 PM
|
|||||||||||
|
|||||||||||
|
شعارات جديدة .. خطيرة ..
+ دماغك .. كبر دماغك .. كبر . + من الآخر .. هات من الآخر .. + عيش حياتك .. ما اكثر تداول هذه الشعارات ، تسمعها فى كل مرحلة ، وهى شعارات جديدة ، لا تجد لها معنى واضح فى قاموس لغتنا القومية .. عادة ما يقصد بها : 1- اما .. فؤت (عديها) .. يعنى ما تستاهلش المناقشة او المقاومة .. يعنى اللامبالاة . 2- او .. دماغك .. يعنى تفادى المشاكل .. بالسلبية . 3- او .. دماغك .. ومأخوذة عن "يعمل دماغ " عند المدمنين وتعنى خليك فى كل شئ يبسطك .. يعنى المتعة فقط . 4- او .. دماغك .. يقصد بها ابعد عن التفاصيل . وخليك فى المختصر المفيد ، او حتى المخل ، يعنى السطحية . الا ترى معى ان هذا الشعار الذى قد تسمعه عشرات المرات فى اليوم الواحد ، ويكثر تداوله بين شباب اعدادى وثانوى وجامعة ، يمثل اهم امراض هذا الجيل .. - اللامبالاة - السلبية - المتعة فقط - السطحية لا اريد ان اتعامل مع كل مرض بتحليل الاسباب ، واظهار المضاعفات واقتراح العلاج ولكنى فقط اقترح انك ... تكبر دماغك .. بطريقة اخرى .. يعنى : + كبر .. كل ما تلاقى حد قال كلمة وحشة فى حقك (شتيمة – اهانة) .. خليك كبير .. واسمع نصيحة الكتاب: (لا يغلبنك الشر بل اغلب الشر بالخير) رو 21:12 + دماغك ... حرام عليك تسيب دماغك لتفاهات التليفزيون وغيره .. املأ دماغك .. وخلى دماغك متكلفة.. اقصد قراءات روحية .. ثقافية حقيقية .. هوايات مشبعة . + او .. دماغك .. بمعنى حاسب على دماغك .. هى اهم ما فيك .. احترس وانت تقبل افكار من اخرين .. بل تذكر كلمات الكتاب : (تغيروا عن شكلكم بتجديد اذهانكم) رو 2:12 . يعنى كبر دماغك .. او حافظ على دماغك وخليك مختلف ، لانك ابن الله ... ياريت كل مرة تسمع فيها هذا التعبير من حولك . تبتسم وتتذكر معناه الافضل .. خليك كبير .. او املأ دماغك بالمفيد .. او حافظ على دماغك من كل شئ ... وربنا يقدس دماغك بنعمته 
|
|
| قد تكون مهتم بالمواضيع التالية ايضاً |
| الموضوع |
| كن داعم نفسك |
| اصبر ياعم |
| ياعم متزوقش |
| ياعم غور من وشى الساعه دى |
| انت فين ياعم الحج |
العرض الشجري