|
 |
 |
 |
|
رقم المشاركة : ( 1 )
08 - 07 - 2016, 04:33 PM
|
|||||||||||
|
|||||||||||
|
(( العبد يتكلم كثيرا عن الحرية .. أما الحر فيعيشها ))
للأسف ناس كتير بتخلط بين إيمان الأشخاص و قناعاتهم الشخصية , بجدية سلوكهم و صدق أفعالهم .. فمثلا حد يكون كلامه كله عن حرية المرأه و تكريمها بس أفعاله و تصرفاته تكون نقيض كل الشعارات و القيم اللي بيدعو لها! أو حد يكون كلامه كله عن الرومانسية و العلاقات بس هو في صميم تفكيره شخص كاره لكل سبل الحب و الحياة! أو حد علطول كلامه عن الأخلاق و رفض الظلم و هو يكون غرقان في مستنقع الفساد و الأزدواجية!! فالكلام او القناعات الشخصية مش مقياس أبداا علي صدق تطبيق !!! و لا عمرها حتكون مقياس لعقل واعي ناضج .. فعمنا " إبراهيم نصر الله " كان بيقول : أنا لا يعنيني ما تؤمن به ! لكن بعنيني ما الذي يمكن أن تفعله بهذا الإيمان .. تبني أم تهدم ، تظلم أم تعدل .. تسلب أم تمنح ، تحب أم تكره .. تحرر أم تستعبد !؟ " فببساطة متتخدعوش بكلام الناس الساحر الجميل حتي و لو زغزع مشاعركوا أو لعب علي وتر متعتكوا الوجدانية.. فأسهل حاجة في زمن التدوين و الأعلام المفتوح هو التنظير في الأوض و الأماكن المريحة.. و أبسط حاجة في زمن جنون الشهرة و إدمان إعجاب الناس هو الكلام !! .. فالقناعات بتتغير في اليوم ألف مرة .. أما الفعل وصمة في تاريخ صاحبه .. فثقوا في اللي عايش كلامه حتي لو قليل أو معندوش قدرة نسج افكاره و قناعاته بشكل حماسي عاطفي زي كتير .. فده أصدق من ناس بتتكلم عسل و تكتب شهد لكن في الحقيقة كلامهم هش و حرفهم عليل.. فألفاظ زي " بحبك " , " ثورة " , "حرية " , " دين " و غيرها .. مجرد ألفاظ صوتية رنانة بتموت مع الوقت لو مفيش أفعال حقيقية تحييها .. فعيشوا الأيمان أهم ما ترددوه .. كلمات كيرلس بهجت 
|
|
العرض الشجري