((حتى أن البعض أصبح يحتفظ برأيه لنفسه خوفاً من فقدان من يحبهم ، بسببب عقليتهم المتحجرة المقصية للرأي الآخر)) فيودور دوستويفسكي
من أسخف و أصعب الحالات اللي ممكن يمر بيها اي حد ,
هي أنه يحس بعجز شديد و صعوبة في توصيل مشاعره و أفكاره للي حواليه ..
فيبقي عامل زي الأجنبي اللي عمال يتكلم و يعيد و يزيد و محدش فاهم يعني هو عاوز ايه ؟! ..
محبوس جوا نفسه و صراعاته .. بيغلي و حينفجر !
و برضة مفيش حد مدرك المعارك و الحروب اللي بتحصل جواه ,
فالحوار المطروح في ناحية و هو عقله و روحه في ناحية تانية خالص ..
و لما يعلي بنبرة الأعتراض علي الواضع القائم تبتدي نظرات الأستغراب و عدم العقلانية تظهر من اللي حواليه ؟! ..
فعقولهم الغير مؤهلة للتفاهم معاه بتكون مؤشر نهاية حياته الإجتماعية ...
فيبتدي يدور علي نفسه في حاجة تانيه غير الناس ..
و الحقيقة أنه مابعدش بكلامه و اراءه عن الناس عشان بيكرهم ,
بالعكس ده عشان بيحبهم !
فهو عاوز يحافظ علي وجودهم بمسافة محددة تضمن سلامه النفسي
و في نفس الوقت تناسب تعاملهم السطحي معاه ..
فوجهات نظره ملهاش اي قيمة في بيئة بترفض اي مختلف او تقصي اي جديد ..
و برضة ملهوش إي كيان مادي برا البيئة ديه !!
و يبقي زي ما قال " إدواردو غاليانو " :
(( .. مؤسف انني لم اعرف كيف اجعل نفسي مفهوماً .. ))
ففي النهاية بعدك بيبقي مش عشان عاوز تخسرهم ,,,
انما عشان مش عاوز تخسر نفسك ..
فا ديه الضريبة اللي بتدفعها تمن عدم فهمك ... تمن تمسكك بذاتك ..!
كلمات كيرلس بهجت
