|
 |
 |
 |
|
رقم المشاركة : ( 1 )
22 - 06 - 2016, 07:36 PM
|
|||||||||||
|
|||||||||||
|
بعد الحكم على الراهب بولس الريانى بالحبس مش لوحدك يا ابونا .. م احنا كلنا محبوسين .. الوطن ضاق علينا .. وسرق مننا .. حلم السنين ..  مش لوحدك يا ابونا .. مش لوحدك يا ابونا ..م احنا كلنا محبوسين .. الوطن ضاق علينا .. وسرق مننا .. حلم السنين .. مين سهانا .. وفى الضلمة جانا .. وقفل علينا البيبان .. زرع الخوف جوانا .. وسابنا حزانى .. خايفين من الكلام ... هو انت يعنى كنت حر .. مانت كدة كدة شارب المر .. يوم فى السجن .. زى عشرة براه .. كله بيمر .. واهى ايام من العمر .. مش لوحدك يا ابونا .. معاك يسوع فى السفينة .. جراحك جراحه .. والسجن معاه .. اوسع من الكون وبراحه .. مش لوحدك يا ابونا .. معاك صليبك .. وانجيلك .. والحانك .. وتراتيلك .. وجرجس الشهيد .. اكيد هيجيلك .. ويحكيلك .. عن مجد الالام .. دا مش كلام .. كل يوم فى الاتون .. مجد فى اكليلك .. مش لوحدك يا ابونا .. معاك دانيال .. والاسود مهزومة .. بصلوات الاجيال .. يا كنيسة .. بصلاتها زمان .. اتهزت جبال .. متعرفيش تصلى كمان .. ينفتح باب السجن .. ويهرب السجان مش لوحدك يا ابونا .. العدل مسجون معاك .. والحق برضه هناك .. ورغم ضلمة الزنازين .. وصراخ المظلومين .. غمض عينيك .. النور جواك .. اوعاك تنحنى .. او تلين .. او تقول انك حزين .. ولو فى يوم .. زارك حنين .. لحضن ديرك .. اصبر لحين .. مايجى يوم .. وتحين .. ساعة الميلاد .. ما انت راهب .. وواهب حياتك .. وعايش الاستعداد .. 
|
|
العرض الشجري