صلاة مستعجلة

[نرمين واصف]

سلام ونعمة يااخواتي
محتاجة صلواتكم ارجوكم
لاني كل ما انتفض من إحباط روحي مافيش والقي نفسي نزلت في دائرة الإحباط تاني وازعاج روحي جوايا بيعصرني وتاعبني
قلة ايماني تعبتني وأحزنتني وساعات بحس اني هفضل كدة علي طول
وساعات اقوم وانتفض واشكر ربنا يسوع واتضايق اني فكرت بطريقة متمردة وأفكار سوداوية ومحبطة وهكذا
ارهقت جدا وايامي معظمها احباط متعب
ده غير لما اجي اقرأ في الكتاب ألقي نفسي تايهة مش عارفة أركز
ولما اجي أصلي احط كذا قيد لإتمام الصلاة ارهقني مش بعرف أميز ايه الصلاة الصح
بقع في صراع داخلي ممررلي نفسي
ارجوكم صلوا من اجلي ربنا يتحنن ويفتح عيني علي طريقه بأمانة
لأني كتير بعتمد علي ذاتي واعمالي وجهادي
وفي النهاية اقول ارحمني يارب يسوع المسيح وكن ضامن ليا ولكل حد زيي تعبان من الفكر المحبط
صلوا من اجلي ربنا يعوضكم خير ومحبة ونور المسيح ينور طرقكم دايما