|
 |
 |
 |
|
رقم المشاركة : ( 1 )
21 - 05 - 2016, 07:10 AM
|
|||||||||||
|
|||||||||||
 كان فيه فرح كبير جنب بيتنا .. صوت ضرب النار كان كتير ده غير البارود اللي بيفرقع ويعمل صوت جامد يهز البيت كان مصدر خوف كبير اوي لبنتي كل لما حد يفرقع ديناميت او يضرب نار ,, كانت تكش في حضني وتخاف وتبصلي كنت اطبطب عليها واقولها متخفيش ده فرح عقبال فرحك الموضوع ده استمر اكتر من مرة ,, كل لما نبقي في مناسبه وتسمع صوت ضرب نار او ديناميت تبصلي واقولها متخفيش ياحبيبتي ده فرح لحد ما في مرة كانت معايا هي ومامتها في العربية ومروحين وكان فيه خناقه كبيرة قاطعه الطريق وسامعين زي صوت ضرب نار انا ومامتها خفنا لحد يحدف طوبة تيجي في الإزاز او رصاصه تعور حد وكنت خايف لحسن البنت تعيط وتتخض وتترعب من المنظر ده لقيتها مبتسمه بسنانها اللي مطلعش منهم غير اربعه بس وبتقولي بابا ,, فرح ساعتها حسيت بسلام كبير اوي جوايا وزعلت من نفسي لما كنت بخاف وهو ربنا بيطبطب عليا وبيقولي متخفش ,, نقشتك علي كفي متخفش من مسك قد مس حدقة عيني متخفش وادعوني في وقت الضيق انقذك فتمجدني لا تخف لأني معك لا تخف انا اعينك لا تخافوا من الذين يقتلون الجسد ولكن النفس لا يقتلوها تشجعوا انا هو لا تخافوا لا تخف منهم ومن كلامهم لا تخف لا تخف ولا ترتعب من وجوههم لا تخف. امن فقط لا تخف انا هو الاول والاخر وبالرغم من كل ده ,, لسه بخاف يا خسارة ،، بنتي صدقتني ، وانا مصدقتش ربنا 
|
|
| قد تكون مهتم بالمواضيع التالية ايضاً |
| الموضوع |
| ممكن ربنا ياخد روحي وانا خاطي كده؟ |
| وانا كمان بحبك يا بنتى يا حبيبتي |
| روحي يا بنتي ربنا يديمها عليكي نعمه |
| حبيبى أحبك هل صدقتنى؟ |
| هنالك اوطان تنتج كل مبررات الموت وتنسى ان تنتج شفرات حلاقة. |
العرض الشجري