اول امبارح كنت عند الدكتور بعمل المتابعه بتاعتى
طلب منى اروح مستشفى التأمين الاسبوع الجاى
دخلت البيت اشوف بطاقة التامين الصحى بتاعتى واجهز ورقى علشان ادخل المستشفى فى ميعادى
فوجئت بان البطاقه مش موجوده فى المكان اللى بشيلها فيه
دورت فى كل مكان ممن اكون وضعتها فيه ولكن مافيش فايده
قلت للانبا ونس هاتهالى
امبارح دورت تانى فى المحل والبيت وكل مكان
مافيش فايده مش لاقيها
وبعدين قلت للانبا ونس طيب هاتهالى والمصاريف اللى هصرفها فى خروج واحده جديده تطلع على اسمك
وطلبت من ربنا يقبل شفاعتها هو والعدرا امى الغاليه
جيت امبارح ف الليل
ماما قالتلى ابوك عاوز يروح الكنيسه بكرا يحضر القداس
ممكن تقوم بدرى توديه ( والدى ما بيمشى بمشايه )
قلتلها بصى
قزليلى يخلى الانبا ونس يجيب بطاقة التأمين الصحى وانا اروح معاه واودى الطلب بتاعه كمان
نزلت ادور تانى
وبعدين المدام قالتلى فى شنطه تحت السرير انا لما فيها كل الاشاعات القديمه
قولت اشوف
وببص لقيت كيس فيه البطاقه اول الشنطه
وجابهالى وروحت الكنيسه
شكرا ربى يسوع
شكرا انبا ونس
شكرا امى الغاليه
