15 - 04 - 2016, 06:18 PM
|
|
|
|
..::| الإدارة العامة |::..
|
|
|
|
|
|
اّه ياربى:
لما جيت ارسم فى يوم قصة الامك
وارسم وشوش كانت بتضحك فرحانة بكلامك
سألتنى ريشتى هما فين تلاميذ يسوع
اللى بعدوا عنه وهوا فى البستان وحيد وباكى بالدموع
جِيبت لون غامق رُمادى
لما داب فى اّثامى اصبح لونه عادى
لون اّثام المجدلية ..
اللى دوبت بدموعها كل ماضى
كان فى عينيك سؤال واحترت فى سؤالك
وقبل ما اجاوب عليه سبقّتنى بجوابك
قولتلى ارسم وشوش باعت حبيبها
وارسم عيون الدموع دابت فى طيبها
وارسم قلوب استخبت
وافتضحها الديك فى ريبها
قولتلى ارسم حنانى
جِيبت لون احمر بلون الدم قانى
فجأة سال ..واشتعلت نار الامومة
اللى فسرت كل المعانى
شُفت حب ما يتقارنش بحب تانى
وقتها صرخت الريشة بالبكا
والوانى الحزينة اختلطت ويا الامانى
لون برىْ....لون جرىْ....لون زلزل كيانى
لون بيهتف....(هو ده يسوع حبيبى اللى اشترانى)
وهى دى قصة الامك .....اّاااااااااه ياربى
|
