|
 |
 |
 |
|
رقم المشاركة : ( 1 )
19 - 03 - 2016, 02:37 PM
|
|||||||||||
|
|||||||||||
|
لو ناويه تحبي وتتحبي .. اختاري صح .. اختاري الراجل اللي معندوش مانع انه يتجنن علشان يفرحك .. يخطف قلبك بمفاجأه و يكسبك انشالله بورده .. تفتحي عيونك علي كلمه حلوه يقولهالك .. و ميهونش عليه تنامي زعلانه .. اختاري اللي يستحملك وقت نرفزتك .. وتعبك .. لو شافك مخنوقه يقدر يريحك .. يشيل عنك .. حتي لو معملش حاجه غير انه يسمعك .. ويحضنك وهو ساكت .. يستحملك ف كل حالاتك من غير ما يشتكي .. وخصوصآ الكام يوم اللي مشاعرك بتتلخبط فيهم كل شهر .. .. اختاري اللي بيعمل كل حاجه علشانك .. بيحارب الدنيا علشان يجبلك شقه يتقفل بابها عليكم .. انشالله تكون اوضه وصاله .. الراجل اللي بيطلع عينه علشان يتجوزك .. مش اللي ابوه جايبله شقه وامه جايباله الشبكه .. ده اللي تتسندي عليه .. اختاري اللي خايف عليكي .. اللي مبيعملش حاجه من ورا اهلك .. اللي بيحب مامتك وبيحترم باباكي .. اللي شايفك غاليه و ليكي تمن .. اللي عايز يدخل بيتك من بابه .. مش الحرامي اللي بينط من الشباك .. اختاري اللي بيساعدك تنجحي .. مش بيكسر مقاديفك .. اللي بيحترم احلامك و بيسندك لحد ما توصليلها .. اللي واقف جنبك و ف ضهرك .. اختاري اللي بيحبك زي ما انتي .. لو رفيعه بيحبك .. ولو تخينه وبكرش بيحبك .. لو لابسه فستان وكلك انوثه بيحبك .. ولو مش حاطه ميك أب وشعرك منكوش برضه بيحبك .. جمالك ف عيونه أبدي و شايفك احلي بنت ف الدنيا .. اختاري اللي ميخنقش عليكي لو واحد صاحبك كلمك .. اللي ميشكش فيكي لو ضحكتي ل زميلك .. اللي يغير عليكي من غير ما يتحكم فيكي .. ميحبسكيش ف سجن باسم الحب .. البنت زي الورده لو اتقطفت تموت .. اختاري اللي يهتم بأصغر تفاصيلك .. ينزل معاكي وانت بتنقي لبس من غير ما يزهق .. يلف معاكي علي محلات وسط البلد كلها لحد ما تلاقي شوز علي مقاسك .. ياخد باله من الكحل اللي ف عينك .. و المونيكير اللي ف ايديكي .. و الروج اللي ف شفايفك .. وكأنك بنته مفيش مانع يسرحلك شعرك اختاري الراجل اللي يستاهل انك تسيبي بيت باباكي وحضن مامتك علشانه .. اختاري صح ''مينا مجدي'' 
|
|
العرض الشجري