اخويا البروتوستانتى عاوز اقولك (انا اسف )

[بنتك انا]

اخويا البروتوستانتى عاوز اقولك (انا اسف )
++++++++++++++++++++++++++
انا اسف انى بقول عليك انك غير مؤمن باالاسرار
لان العيب مش عليك احنا اللى غلطانين
احنا اللى فى وقت سر المعموديه مش بنهتم بصلوات المعموديه اللى بتتقال وبنهتم بأى حاجه تاني
احنا اللى فى وقت سر الزيجه بنيجى الكنيسه بلبس خارج وبنعمل زيطه وبس وبننسى ان ده سر مقدس بيحل فيه روح الله القدوس
احنا اللى فى وقت سر مسحه المرضى بنزاحم علشان نترشم بالزيت ومحدش فينا بيسمع كلمه من طقس القنديل ولا قوه صلاته بتفرق معانا كل اللى بيفرق معأنا اخد بركه من الزيت وبس
احنا اللى فى وقت سر التناول ممكن نيجى متاخر ونقول ممكن اتناول . او بنفضل طول القداس مش حاسين بحضور ربنا وبنجرى على التناول وخلاص
انا اللى وصلتلك فكره الكهنوت باسلوبى اللى اعثرك انت شوفت فيا سلطه مش اب
احنا اللى وصلنالك اننا معندناش تسبيح لاننا بنقول التسبحه بطريقه فاتره من غير روح من غير مانعيش عمق الكلمه
احنا اللى وصلنا فكره شفاعه القديسين بصوره سيئه اكننا بنأله القديس وبنجرى ورا الغيبيات وورا المعجزات وبس
احنا اللى ادنالكوا فكره لو عاوز بركه القديس اكتب كلمه امين
احنا اللى شوهنا عمق الكنيسه باسلوبنا
احنا اللى فى صلواتنا بنقولها اكننا مكنه شغاله مش روح نارى
انا اسف يا اخويا البروتسانتى انت ملكش زنب فى عدم فهمك لجمال وقوه كنيستنا بسببنا احنا..
لاننا مستهترين فى كل طقوسنا مستهترين فى ايمانا
بس عاوزك تمسك كتاب صلوات الكنيسه وشوف عمقها وفكرها واذاى اننا كنيسه عايشه بقوه الروح القدس . وكنيسه مستنيره .
يمكن ساعتها تحس بجمالها اللى احنا معرفناش نوصلهولك
ابونا جوناثان رفعت