إبنى الحبيب
مش هينفع نفضل بعيد عن بعض كدة!!
انا حاسس انك مخاصمنى انا كل يوم بستناك تحكى معايا وانت مش بتيجى فقولت اجيلك النهاردة احكى معاك..كلامك معايا هو لذة بالنسبة ليا..انا صديقك وعاوزك انت كمان تكون صديقى..خدنى معاك فى كل خطوة تخطوها..اليوم اللى انت كنت متضايق فيه جدا انا كمان كنت متضايق جدا يوميها..
انا عارف اوقات كتير بتحس انك لوحدك ومحدش فاهمك..لكن وقتها انا مبستحملش اشوفك وحيد فبجرى عليك اقعد جنبك لكن انت مش بتاخد بالك..وصدقنى ببقى فاهمك وحاسس بيك لأبعد ما تتخيل..انا عارف ان انت لما كنت بتصليلى كنت فاكرنى مش سامعك..حتى الكلام اللى انت مش بتقوله انا بسمعه..كل ما تحس انك تعبان ومتضايق تعالى واحكى معايا هتلاقينى مستنيك..كل ما تقع قوم من تانى وأوعى تيأس مكانك عندى..ارجوك متخاصمنيش تانى انا بحبك وانت واحشنى..
ابوك السماوى يسوع
21 - 02 - 2016, 06:27 AM
العرض الشجري