|
 |
 |
 |
|
رقم المشاركة : ( 1 )
17 - 02 - 2016, 05:13 PM
|
|||||||||||
|
|||||||||||
|
قواعد الشاى الأربعون  في سبيل الفكاهة ننشر لكم قواعد الشاى الأربعون .. - الشاي الفتلة سخيف بس شيك.- الشاي الخرز الخشن مبيبقاش حلو في الكشري. - الشاي الفتلة للضيوف بس. - كل ذرّة في الميّة لازم تغلي، متستعجلش. - الشاي إدمان مصغّر، متقولش كلمة " طب ماتبطل شاي" بسهولة كدة، الموضوع كبير. كبير. - لو عندك مدمن شاي في البيت هات درزن كوبايات بلاستيك. - مدمن الشاي ميعرفش كلمة " مبعرفش أشرب غير في المج بتاعي" لو جبتله شاي في غطا الحلة هيحبه. - الشاي بيجعل من الفرد شخصية سلسة جدًا، متعصب عليك؟ إعمله شاي.. عايز منه حاجة؟ إعمله شاي .. ڤلانتاين؟ إعمله شاي.. عايز تصالحه عشان قتلت أبوه؟ إعمله شاي. - مفيش حاجة إسمها خلّي الشاي بعد الأكل، هاته دلوقتي و نشرب تاني بعد الأكل عادي. - مدمنين الشاي عارفين إنه غلط، ناقص تحطوا صورة كريات دم حمراء متكسرة على علب الليبتون. - على ذِكر العلب، إمشي بعلبة شاي العروسة أبو ٢ جنيه في جيبك عشان إحتمال كبير تروح حتة مفيهاش شاي و تتأخر، أو الشاي يغلى فجأة، أو تعمل حادثة وتروح المستشفى و متلاقييش شاي هناك.. الإحتياط واجب ياجماعة. - لو حد طلب منك شاي و هو مصدّع متفصلوش بالأسئلة وكام معلقة سكر؟ كشري ولا فتلة؟ تقيل ولا خفيف؟ قريب ولا بعيد حزين ولا سعيد؟ - الشاي بالنعناع حلو، بس مش لازم كل الناس تبقى بتحبه، زي ما فيه ناس بتحب سجاير كليوباترا في ناس بتحب الشاي سادة وبِنشارة خشب كمان. - إحترم مزاج ال شاير " اللي بيشرب شاي" .. بيحبه بمعلقة سكر، بيحبه بعشر معالق، هو حر. متفكرش تغير شخصيته الشايية. - في ناس بتحب الشاي بارد أو مايل للبرودة، برضو هي حرة. - الشاي الأخضر دا مش شاي، ومتقولوش عليه شاي عشان صحابنا بيتقمصوا. 
|
|
| قد تكون مهتم بالمواضيع التالية ايضاً |
| الموضوع |
| كيفية تحضير الشاي؟ وأفكار لشرب الشاي |
| الشاي الأزرق – من أنواع الشاي ذات اللون الجذّاب! |
| قواعد الراجل الأربعون |
| قواعد "التعامل مع زوجتك" الأربعون |
| ليه بنحط معلقة الشاى واحنا بنصب كوباية الشاى ؟!! |
العرض الشجري