شاركنا برأيك ..أنا دبلوم صنايع وهى صيدلانية ..اعمل إيه ؟
انا كنت بحب واحده جمب بيتنا كنا جيران قعدت بحب البنت دي لمده سنتين وكنت بفكر فيها وكنت براقبها من بعيد وكنت عارف كل حاجه عنها وكنت عارف كل خطوه هيا بتعملها مرت الايام وانا براقبها فجأة جات ليا وبتقولي انا عارفه كل حاجه من زمان ومكنتش بتكلم معاك وانا مستنية منك كلمه انا طبعا مش هاوصف الحاله اللي انا كنت فيها المهم بتقولي اتكلم قول انت ايه جواك اتكلمت معاها والكلام جاب بعضه وصلت لمرحله الموبايلات وكده وانا طبعا دبلوم صنايع وهيا دخلت كليه صيدله وانا الظروف الماديه علي قدها وظروفها هيا ماشاء الله اهلها سمعو بالموضوع فا بحكم الجيرا امها كلمتني وبتقولي انا عارفه كل حاجه بينك وبينها طبعا انا انكرت وكده وبعدين انا قلتلها انشاء الله انا مسافر وربنا هايكرمني وراجع واعرف اعيشها في مستواها طبعا كلامي مدخلش دماغها وقالت ابعد عنها ارجوك وانا سافرت ومرت السنين ورجعت وشفتها دكتوره ماشاء الله وفتحت صيدليه وإتجوزت وانا قلبي في وجع السنين ،مش قادر انساها اعمل إيه ؟
03 - 02 - 2016, 05:55 PM
العرض الشجري