مين اهم عندك ؟

[مورا مرمر]

ربنا لما ادانا سبعة ايام فى الاسبوع قال لينا
ليكم 6 ايام لكن مش عايزكم تنسوا
اليوم بتاعى (شايف اد اية ربنا بيرضى بقليلة ).

يعنى الست ايام دول مهما
طلبتم هتاخدوا بس المهم انكم تتعبوا وتجتهدوا
"لان بعرق وجهك تاكل خبزك . العامل بيد رخوة يفتقر .اما يد المجتهدين فتغنى" .(ام 10:4)
بس فى حاجة مش عايزاك تنساها الست ايام دول انت بتتعب علشان جسدك
يعنى علشان فلوسك تزيد ومستواك الاجتماعى يرتفع
وكمان تاكل اللى نفسك فية وما فيش مانع فى شوية ترفية يعنى رحلة او مصيف .
وطبعا انت بالطريقة دى بتهتم بالعطية مش بالعاطى .


ياترى بتهتم بالعاطى .اللى هو السبب فى كل العطايا والخير
اللى مالى حياتك ×يعنى مثلا اليوم بتاع ربنا بتعمل فية اية ؟؟؟
بتنام و تكسل تروح القداس وتقول انا تعبان طول الاسبوع
مش عايز حد يقلقنى اظن انى من حقى ارتاح يوم اجازتى
.لو عملت كده تفتكر اية السبب؟؟
انا اللى اعرفة حاجة واحدة . انك لو بتحب ربنا اوى ما هتصدق
يجى يوم ربنا وتكون مشتاق تروح بيتة وتتقابل معاة علشان
تشكرة على كل عطاياه وكمان تحكى له وتشكي لة على اللى عندك .
واللى تعبك لان هو اللى طلب منك وقالك
(تعالوا الى ياجميع المتعبين والثقيلى الاحمال وانا اريحكم )×بس خلى بالك ربنا
له يوم كامل مش ساعتين القداس وتقول كفاية علية كده
ممكن باقى اليوم يكون فية خدمة افتقاد او زيارة مرضى او خدمة تعليم
ولو انت فى البيت استغل الوقت فى القراءات الروحية اللى تبنى وتفيد ،،،عشان
تعرف ربنا اكتر من الاول بكتير وتختبرة هتحبة اكتر من الاول بكتير
(من يحب نفسه يهلكها ومن يبغض نفسه فى هذا العالم يحفظها الى حياة ابدية ).


فى حاجة لازم تكون واثق منها جدا ،،، ياترى ايه هى ؟؟؟
ان مافيش حاجة بضيع عند ربنا اذا كان كاس ماء بارد مش بيتنسى حقة عند ربنا
علشان كده كل اللى عملتة وهاتعمله متشال عند ربنا وكمان ربنا
مش بيبات مديون × يعنى هايديك اضعاف على الارض ومكانة كبيرة فى السماء
ياريتك متضيعش وقتك مادام كله محسوب ومتشال
وعشان كمان تبقى من النجوم لان فية نجم يمتاز عن نجم فى السماء .