اكيد اى انسان فينا لما بيشعر باى الم فى جسدة علشان يرتاح لازم يروح للدكتور المتخصص علشان يعرف نوع المرض وبعدها ياخد العلاج المكتوب على الروشتة حسب ارشاد الطبيب وطبعا كل ده بيحتاج انك ،تحجز،وتدفع وتستنى دورك ،،شغلانة كبيرة شوية وكمان محتاج وقت علشان تخف وتبقى كويس ،تخيل كل ده علشان جسدك بس ؟
لكن فى طبيب اعظم ممكن يشفى النفس والروح وكمان الجسد ،تفتكر يكون مين؟بالتاكيد اب الاعتراف
لانة وكيل لربنا و اعطى لهالسلطان انه يعرف الخطايا والاسرار لانة لا يحتاج الاصحاء الى طبيب بل المرضى مت(9:12)
يعنى عنده تكشف افكارك ومشاعرك الخاطئة وكل اللى وجعك وغلط فى حياتك وطبعا ماتقلقش خالص لانة كاتم اسرارك × كانك قاعد مع ربنا تمام ،،، وكل ما تحتاج له هتلاقية من غير دفع ولا حجز وكمان عندة كل التخصصات
يعنى لو بتشتكى من قلبك اللى مليان مشاعر مش من حقك او ماسور بعلاقة مش مظبوطة ،،،وممكن يكون فكرك عمال يودى ويجيب وبكده يخليك مشغول عن حفظ وصية الانجيل ،وكمان عينيك اللى مش بتشبع من النظر على العثرات ومقتنايات الغير ، والودان اللى بتسمع الفاضى والمليان حتى لو عظامك بقيت محنية من كتر الخطية
مجرد انك تقول اللى جواك بتفضح عدو الخير اللى بيضحك عليك ومخليك تاجل علشان يحرمك من
الراحةوالسلام من بعد القلق والياس مع الهوان ومجرد ان ابونا يقرا على راسك التحليل ،،،، ساعتها هاتحس
انك بقيت انسان جديد اظن مفيش بعدكدة طبيب بيشفى روحك ونفسك و
كمان جسدك لانة هو وحدة
اللى عنده سلطان الحل والربط وفى اى وقت ممكن تلا قية وكلة بالمجان
لانة مجانا اخذتم ،مجانا اعطوا مت(10 :8) والهم من كده ان بعد جلسة الاعتراف هاتشعر براحة وسلام وفرح مش موجود عند اى طبيب
ياريتك متاجلش مافيش اهم من التوبة اللى بدونها مش ممكن تذوق حلاوة الملكوت ومن لة اذنان للسمع فليسمع .مت (11:15)
"باركى يا نفسى الرب ,وكل ما فى باطنى ليبارك اسمة القدوس باركى يا نفسى الرب ولا تنسى كل حسناتة , الذى يغفر جميع ذنوبك , الذى يشفى كل امراضك ,الذى يفدى من الحفرة حياتك , الذى يكلل بالرحمة والرأفة الذى يشبع بالخير عمرك ,فيتجدد مثل النسر شبابك "
"اذا كان احد فى المسيح فهو خليقة جديدة : الاشياء العتيقة قد مضت . هوذا الكل قد صار جديدا 2كو (5:17)
