|
 |
 |
 |
|
رقم المشاركة : ( 1 )
21 - 01 - 2016, 07:28 AM
|
|||||||||||
|
|||||||||||
|
أيــه أكتر حاجة ممكن تفرحك ؟؟! الإجابـــات لو واحد مليونير قرر يدي لمجموعة كل واحد 10 الآلاف جنيه وأنا كنت واحد منهم هفرح أوي  لو إتجوزت بنت كيوت هفرح لو بقيت famous والناس بتشاور عليا لما اسمع كلام حلو من الناس بفرح لو كسبت شقه أو عربية أو حتى كارت شحن بالنسبة للبنات بقى .. الدراسات اثبتت أن البنت لما بتكون مخنوقة وتنزل تعمل shopping أو تروح عالكوافير بترجع مبسوطة أوي !! صح يا بنـــات؟ لكن كل الحاجات دي بتفرحنا لوقت محدد وبنرجع نتضايق تاني مهما عملنا الفرح دا بييجي وقت وبيخلص فرح اللبس الجديد بيخلص.. وفرح الوظيفة بيخلص.. فرح زيادة الرصيد في البنك هيخلص.. فرح الشهرة والمنصب والناس اللي بتشاور عليك بيخلص.. فرح الكلمتين الحلوين اللي بتسمعيهم من حد بيضحك عليكي بيخلص.. فرح السياره الجديدة و البيت الكبير بيخلص.. فرح التقدير العالي والكلية القمة بيخلص.. فرح شهوة أو خطية معينة بيخلص .. كلـــه بيخلص. لأن كله وقتي.. ليه مدة صلاحية لازم ينتهي فيها !! في نوع واحد بس من الفرح "forever " مالهوش مدة صلاحية.. فرح يبقى معاك في أصعب الظروف وقت أما تشوف الدنيا سوده أوي ومضلمة في عينيك بيخليك تعرف تبتسم وتضحك.. جايز متضحكش بوشك .. بس قلبك هيبقى فرحان بجد ومطمن أوي .. أصله مش فرح عربية ولا بيت ولا فرح شهرة و رصيد .. لكن فرح اللي قال " لا ينزع أحد فرحكم منكم " فرح اللي أمر " ليكون فرحكم كاملا " عيش معاه وافرح بيه وفيه .. وقتها بس هتفرح فرح مفيش حاجة في الدنيا تفرحك أده لأنه فرح مابيخلصش الفرح هو قصد اللـه لحياتك أفــــــرح بقـــــــى by : Sally Sameh 
|
|
| قد تكون مهتم بالمواضيع التالية ايضاً |
| الموضوع |
| إيه أكتر حاجة فيهم 👇محتاجها علشان تبقى حياتك ناجحة أكتر؟ |
| بيجهزلك حاجة تفرحك |
| أكتر حاجة ممكن تضايقني من أي شخص |
| معمول حسابك فـ حاجة تفرحك 🙂💕 |
| الله عامل حسابك فى حاجة تفرحك خارج توقعاتك |
العرض الشجري