لو سألتك مين أندراوس الرسول ؟
اكيد هتقول اخو بطرس
إجابة صحيحة
بس احب أضيف ان هو اللى جاب بطرس للمسيح وساب بطرس فى الصورة وخرج هو (بره كادر الصوره)
والصبي ابو خمس ارغفة وسمكتين اندراوس برضه جابة ليسوع وخرج هو (بره كادر الصورة)
ولما مجموعة من اليونانيين سألت فيلبس عن يسوع جابهم لـ اندراوس وهو جابهم ليسوع وهو خرج (بره كادر الصورة)
يعني اية ؟
يعنى اندراوس كان موصلاتى للمسيح
يعنى اندراوس موصل جيد للحرارة الروحية
مسألش لية محضرش التجلى وانا اللى جايب بطرس
انا اقدم منة ف الخدمة !
بطرس بتاع امبارح .. انا اللى ﻻزم في الصورة اكون من قدام
ﻻ اندراوس كان يوصل للمسيح و يبعد هو
ليظهر يسوع بس واندراوس يختفي
اندراوس خادم لما اتكلم عنه بعرف انى لسة مخدمتش ﻻنى عاوز اخد الكادر لوحدى ...
لو انت زيى خليك زي اندراوس و اخرج (بره كادر الصورة)
((تامل للأنبا بافلى))
