|
 |
 |
 |
|
رقم المشاركة : ( 1 )
02 - 12 - 2015, 03:14 PM
|
|||||||||||
|
|||||||||||
|
أطرف مواقف رواد «فيس بوك» مع أطفالهم المتأثرين بالكارتون  يتأثر أطفالنا بكل ما يشاهدونه حولهم وخاصة قنوات الكارتون التي تتحدث باللغة العربية الفصحى التي تؤثر فى سلوكياتهم وتصقل مهاراتهم في اللغة وتجعلهم يستخدمونها في حياته اليومية مما يثير سخرية وضحك الكبار. وروى رواد موقع التواصل الاجتماعى عبر إحدى صفحات "فيس بوك" مواقفهم الطريفة مع صغارهم المتأثرين بقنوات الكارتون. وقالت جهاد: "حصل معايا موقف زي كدا، من ابن خالي بقوله: مالك ياعمر بتعيط ليه، قالي: اخرجي أيتها البلهاء الحمقاء، اغربي عن وجهي إنني غاضبا الآن، والله أنا طلعت أجرى من الأوضة، حسيت أن أبو جهل اللي بيكلمني". وأضاف زيدان: "أنا بقى ابن أخويا جايب مريلة المطبخ ولابسها في رقبته ولابس الجزمة ومخلى البنطلون جوه الشراب ومقفز ولابس آيس كاب أسود في دماغه قولتله: انت بتعمل إيه، بيقولى: أنا بات مان، الواد مجننى". لسنا أصدقاء وقال أحمد: "أخو واحد صاحبي كنت كل ما اتصل عليه في البيت، واقوله: الو.. حسن موجود حسن، يقولي: ليس موجودًا الآن من فضلك حاول الاتصال في وقت لاحق، ويقعد يقول تن تن تن.. كان لذيذ". وأضاف محمد: "أنا لما بزعق لأخويا الصغير، ألاقيه كشر فجأة ويقولى: حسنًا لسنا أصدقاء بعد الآن". ياللهول وقالت خلود: "أنا لغاية دلوقتى ماما لما أروح مشوار تقولى متغبيش، أقولها: سنعود بعد قليل، ولما أوصل البيت تاني: أقولها عدنا"، وأضافت رنا:"ابني دايما يقولي: النجدة.. انقذوني". تبا لك أيتها الحقيرة وتابعت يارا:"انا بقي ابن خالى لما أزعله يقولى: تبا لك أيتها الفتاة الحقيرة". تفضلى سيدتى وروت نشوى: "بنتى لما بتفتحلى باب الأسانسير بتقولي: اتفضلى ياسيدتى، ولما بتجبلي ميه اشرب بتقولى: هنيئا لكى، وآخر مرة وأنا حامل كانت تضربنى على بطنى وتقولى: الحياة ألم، ولما آجى اضربها تقولى: ارجوكى ارجوكى لاتضربيني، لما بقيت حاسة انى عايشة في وسط مجمع لغة عربية". تبدو رشيقا اليوم وتذكرت إنجي: "مرة ابنى كان تعبان وسخن وأنا قاعدة جمبه وبعيط عشانه لقيته بيقولى: متعيطيش ياماما إننى بخير.. إننى بخير". وقال محمود: "أنا أخويا الصغير لما يكون عايز حاجة من بابا، يقرب منه ويبتسم ويقوله: بابا يا أحلى بابا، تبدو رشيقا اليوم، مع العلم أن بابا بكرش". وأضافت لولا: "ولاد أخويا بيقولوا لخالى: أتريد بعض الشاي، وبيقولوا على طول (حسنًا) و(إنها خدعة) و(تضعنا في ورطة) و(أجل ياسيدي)".             
|
|
| قد تكون مهتم بالمواضيع التالية ايضاً |
| الموضوع |
| أطرف مواقف الأطفال المحرجة لأمهاتهم |
| شرح القداس للاطفال بالكارتون |
| كل واحد يورينا شكلة بالكارتون |
| شوفتوا بالكارتون تقدروا تعملوا ايه؟ |
| أنا الحوت: ترنيمة بالكارتون |
العرض الشجري