معجزات القديسة فيلومينا

[بنت معلم الاجيال]

يوم التلات اللي فات كنت علي الفيس بوك و لاقيت معجزات كتير للقديسه في مجالات مختلفة... استغربت قوي وقولتلها اه انت بطلتي تعملي معجزات عن الحمل و الولاده و لا اه.. انا كنت زعلانه علشان بقالي تلات سنين مستنية اجيب طفل و مش عارفة ... المهم قفلت الفيس و كلمت شغل عادي...
الساعة خامسه.. آتصلت بجوزي اطمن عليه لاقيت حالتة صعبة جدا و بيقولي انه عمل حادش بالعربية النقل بتاعة الشغل وقفل... لاقيت نفسي بعيط وبلطم و بصرخ في العربيه و انا مروحة و بنادي بعفوية شديدة علي القديسة فيلومينا... انا و انا بنده عليها استغربت جدا علشان عمري ماناديت عليها بالطريقه ده ابدا و بقيت احاول انده علي مارجرجس بس زعلت من نفسي و رجعت انده علي القديسة فيلومينا تاني.
روحت البيت و انا بفكر اه اللي كان ممكن يحصل لجوزي و قتها.. هو خبط عربية ماركونة يعني الخطاء مضاعف في البلد هنا(كندا) لسه ماكاملش تلات شهور في الشغل ده يعني ممكن جدا يرفدوه و اصلا زميله اللي بعتهولو في الحادثة قاله كده...
تاني حاجة جوزي كان شغال برخصة السواقه بتاعته يعني مش قبل تلات سنين لما يلاقي شغل تاني رابع حاجه البوليس في الطريق.. و اكيد هيديلو غرامة كبيره . بس اللي حصل كان عجيب... الظابط رفض تماما يديلو غرامة .. وقاله انا عارف ان ده بما معناه اكل عيشك و مش هديك غرامة حتاه لو مدير الظانط طلب منه ده و ده من حقة(
الظابط و صاحب العربية كانوا مستعدين يروحوا لمدير الشركه اللي بيشتغل فيها جوزي علشان يطلبوا منه انه ماايرفدهوش...المهم راح واحدة الشركة... كان متوقع ان المدير اللي اصلا مش بيطيقوا يرفده بش اللي حصل كان عكس كده تماما الراجل قعد يشجعة و يقولو انت من احسن الموظفين عندي.. و كو كلام كتير....و صمم انه ينزل الشغل تاني يوم... و الموضوع عدي بسلام.كل زمايله في الشع 'ل مابين مستغرب و ما بين حاقد .. علشانن ازاي الظابط ماداهوش غرامة... ده شبه مستحيلة..بس لو كان ادالو الغرامة كان اترفد علي طول... لانها بتثبت انه مش مسئول و كان هيسبب ان تاءمين الشركة يعلي..
و كان الحل الوحيد انهم يرفدوه علشان التاءمين مايعلاش وطبعا ده ماحصلش .. للعلم واحد صحبه كندي بيقولو ان اكيد كان في حد بيصليلك وقت الحادثه. لان اللي حصل ده مش طبيعي...
كل ده ببركة و شفاعة القديسه فيلومينا العجاءبية...
بس في حاجة حصلت امبارح كان لازم اكتبها.. جوزي من ساعه الحادثة و هو نفسيته وحشة و حاث انه مكسور قدام زمايله... بس اللي حصل امبارح كان غريب.. جه جواب من الحي بتاعتة المدينة للمدير من حد تاني خالص بعيد تماما عن الحادثة.. و بيشكر فيه في جوزي جدا و بيشيد بمجهوداته.. ده خلي نفسيته مبسوطه و احسن كتير.. زي مايكون ان القديسة فيلومينا ماحبتش تسيب للحادثة اي اثر في نفسيتو.. اكتر من انه ياخد باله و مايتهورش.. بركة شفاعتها تكون معانا امين