نفسى أشوفها مرة

[Haia]

صديقتى وحبيبتى وكمان فيلسوفه ___________ حلوة ومرحه وكمان فيلسوفه ___________ لها أرائها ومواضيعها وكمان فيلسوفه _____________ متعلمه ومثقفه وكمان فيلسوفه _______________ بأسعد بالحديث معها لأنها فيلسوفه !!!!!!!!!!
نختلف نتفق نتكلم نضحك نشكى نبكى معا _ لأنها بالحق فيلسوفه .
وصلتنى رسالة منها بتقول فيها (((((((((((أقولك على حاجة تثبت ليكى أنى مجنونه ))))))))))))))))))))
مش فاكرة ومش عارفه ايه باقى الرسالة . بس أعرف أنى توقفت عند هذه الجملة .
يومين وتلاته
واحاسيس مختلفة
علشان حلوة وشقيه يمكن!!
علشان جميلة وخفيفة ومرحة يمكن!!
علشان أختلف واتفق معها يمكن!!
علشان فيلسوفه ومثقفه وقويه يمكن !!
علشان انا خايفه عليها وبأحبها , اه هنا دق قلبى معلنا حالة الخوف والخطر . أشفق عليها من نفسها ولابد من الحل .

كانت السحب كثيفه سوداء تغطى المدينه . ظلام فى وضح النهار . وأكيد الكاّبه بتسرع لتأخذ لها مكان بيننا .
وعلى مرمى البصر كانت سيارة الأسعاف والناس تتسابق لترى ماذا حدث .
أسرعت فى طريقى . يبدو انها حادثه بشعة .
وعندما وصلت شاهدت عربه مهشمه تمام . وشاب فى مقتبل عمرة مسجى على الأرض . وابنه يخفى وجهة بين كفتيه . وزوجة تحتضنه وهى تبكى بتعبيرات حزينه جداّ .
ودقائق معدوده مرت ,عندما سمعت المخرج وهو يقول ( أستوب ) لابد من أعادة التصوير .

وفهمت أنه مشهد من فيلم يتم تصويرة . وأذدادت رغبتى فى مشاهدة التصوير الثانى لهذا المشهد . ووقف الشاب من على الأرض وبدأت فرق العمل فى تجهيز الأوضاع لالتقاط هذا المشهد بصورة أفضل .وأقتربت أكثر وأكثر . وشاهدت فريق عمل الماكياج وكأنهم يرسمون كل شىء حتى الحزن والملابس الممزقه . أنه فن وقدرة على الأبداع .
أكشن . هكذا صرخ المخرج وتحولت المنطقه فى دقائق معدوده الى حالة أستقبال موت الشاب فى حادثة السيارة . وبدأ التصوير
وشاهدنا الشاب مرة أخرى مسجى على الأرض . والطفل بجانبه يخفى وجهة بين يديه . وزوجته تبكى بأنين على فقد زوجها . وهنا صرخ المخرج رائع رائع جدا .هذا ما كنت أتمناه . بالفعل لقد قمتم بعمل جيد ايها الشباب .
وقبل أن أترك المكان شاهدت بجانبى فتاه صغيرة تبكى بنوع من التأثر لما شاهدته .توقفت واقتربت منها وعرفتها بنفسى وعرضت عليه المساعدة . تكلمنا طويلا . ولم تكن هناك أى أرتباطات بين هذه الحادثه وبين أى زكريات فى حياتها . فقط هو تأثير المشهد عليها هو الذى جعلها تبكى بهذا الشكل !!

أعزائى أى شىء تشاهده حتى ولو كان خيال فهو له تأثيره فى داخلك . قليل ام كثير . لكن لابد من التأثير . حتى أسترجاع الخيال بيرجع بتأثير على النفس . وكل يوم بنقول فى القداس ( تذكار الشر الملبس الموت ) بمعنى انه بمجرد افتكار الشر فهو يلبسنا ثياب الموت .
عايزه اقول لاختى وصدقتى وحبيبتى كمان , بلاش تقولى على نفسك انك مجنونه علشان ما تتأثريش بالكلام ده .
بس أزاى أوصلها الكلام ده أزاى . أدعولى أقدر أشوفها واقولها هذا الكلام .

حقيقى نفسى أشوفها مرة ... دى الغربه صعبه مرة