كلمات من حب القدير بقلم انسان حقير

[نرمين واصف]

+مبنى انا مبني بيسوع المسيح
قاللي انت ابني وفيا تستريح
واللي ضاع في ثواني هرجعه من تاني
وهعلي الاماني واشفي كل جريح

+لما بتبعد عني برضه عيني عليك
ده انت حتة مني مد ليا ايديك
تلقاني في الحال معايا مافيش محال
احققلك آمال وتنظرها بعنيك

+علي هتافك علي وانا ساكن وسطيك
قوم بسرعة وصلي وبروحي أعليك
والنعمة تعود والفرحة تسود والخير والجود
ماليين أراضيك

+انسي كل الماضي الماضي الأليم
أشكرخليك راضي ليه دايما حزين
دي لمسة مني تداوي والمر يعدي عادي
طول ماإنت قصادي جواك ليا حنين

*سجونك مهدودة سنونك معدودة لكن روحك موجودة مع الروح الامين