بتقطع رقبتى يا جاهل وفاكر نفسك من الحياة حرمتنى
ده انت بسكينتك وقساوة قلبك من حبيبى يسوع قربتنى
ياعم داعش يا جبان اوعى تكون فاهم انك كده كسرتنى
ولا ببدلتك الحمرا ولفافة وشك حوش يا واد خوفتنى
ده انا قلبى ميت ولا انت ولا الف زيك يهتنى
برقبتى اللى طارت وشرايين دمى اللى سالت شرفتنى
خلتنى شهيد ونلت بسببك اكليل ميرسى قوى خدمتنى
كنت فين من زمان ياراجل ياريتك ظهرت وكلمتنى
بس لعلمك انا غالى قوى عند ابويا
بيموت فيا وبيحبنى
ومن حضن امى وأولادى واختى واخواتى حرمتنى
حتى عم سيد جارى فى الشارع كان بيقدرنى قوى ويعزنى
ومريم بنتى لسه مكلمانى امبارح بتقول انزل يابابا وحشتنى
