حب مع وقف التنفيذ

[محتاجه لايدك ياربى]

سالت نفسى يايسوع بحبك قد اية .
صرخت نفسى فى انت بتسال بتقول اية .
قلتلها مجرد سوال ويا ريت تجاوبينى علية .
قالت هاخدك على قد عقلك وهاجوبك يا سعادة البية .
حبك لية ...
قد الدنيا حبك لية.
ما يتوصفش حبك لية .
مافيش ذية حبك لية .
قلت انا اكيد امال اية .
بس لقيت جوايا صوت هامس خافت بيقول لا .
خايف ينطق خايف يسكت محتار مش عارف اية دا .
ولقيتنى محتار خايف متوتر .
قلقان مش عارف افكر .
هو انا بخب يسوع ولا الصوت جوايا بجد .
رد الصوت والمرة دى رفع صوتة وقال تانى لا
لا لا لا .
لو بتحبة كنت تعيشلة ولصوتة دايما تشتاق .
بتصليلة وبتحكيلة
عايز دايما تجرى تجيلة
مش بتسيبة علشان ماتش فى ساحل العاج .
كنت تكلمة وتقراء كلامة وتتمنى تقف قدامة ,
مش تاية فى الدنيا الواسعة كل حياتك ضايعة ولاسعة
عايش بدور على المتعة طول السنة مابتفتكروش
.تفضل دايما مشغول بية عينك دايما تبقى علية ,
اسال نفسك.اسال نفسك.اسال نفسك مرة وجاوب انت مشغول باية؟؟؟
مشغول بية ولا بالتلفزيون.والكتاب المقدس عندك فى البيت فوقية التراب شبرين.
مشغول بالنت والكلام على الياهو والفيس بوك طب بتكلم ربنا قد اية فى اليوم.
واهتماماتك.اهتماماتك هى اغانى ولا افلام ولا فلوس ولا شغل ولا قصة حب ولا مصاحب شيطان النوم.
شايل مبايلك ولا صليبك.يعنى ربنا لة فى حياتك ولا مالوش
يبقى انت كدة بتحب ربنا ولا مبتحبهوش .
انا محتار مش عارف ارد . طب دا انا شفت ايدية لية بتتمد . طب دى موقفة معايا بجد .
دا انا بطلبة دايما بيجينى.وفى وقت الامى بيمحى انينى.
يبقى انا كدة بحبة ولا مبحبهوش .
رد الصوت وقال تانى لا . قلت انا اة اة . قال الصوت اة .
اة بتحبة بس حب مالوش فى حياتك اااااااااااااااااااااااااااى تميز .
يعنى باختصار حبك ليسوع +++ هو حب مع وقف التنفيذ ++.
قلت انا اة حب مع وقف التنفيذ
.بس انا من اليوم دا مش راح اسكت.
هافضل اصرخ وابكى واكتب .
انا بحبك انا بحبك.هافضل اقولها بعلو الصوت .
انا بحبك انا بحبك هافضل اقولها لحد ما اموت.

.................................................. ....................................

وكل واحد فيكم يسال نفسة هل حبة لربنا هو حب مميز ولا حب مع وقف التنفيذ .