انطلاقة جديدة

[نرمين واصف]

مش عاوز اعيش في الضلمة انا عايز اعيش في النور
..........واطير فوق السحاب فرحان زي الطيور
انا عايز اعيش في النور والف اطير وادور

زي طير السما اللي ما بيبات مكسور
انا عاوز ارفرف فوق وسط انوار السموات
ويكون حواليا طوق يحميني من الازمات

وطول ما انا ع الارض اتمني اكون طير
ميهمهوش البرد ولا انه في قفص اسير

لكنه حالم وعينه علي طول دايما لفوق
ومهما شئ يهينه حاميه اعظم طوق

......انا ع الارض لكن بحلم اطير وافرح
وعيني في كل الاماكن اللي حقيقي بتفرح

انا نفسي اكون طير فرحان فارد جناحيه
مليان جواه بالخير و بالحب مادد ايديه