كلمات ترنيمة حضن إيديك (غريبة يا رب تندهلي)
+ قلبى يا يسوع فاكر لما فى ضيقتى بيلجأ ليك
وأسيبك لما أكون قادر وأشيل بإيدىّ حضن إيديك
غريبة إنك بتسمعنى غريبة إنك بترحمنى
غريبة يا رب تندهلى فى عز ما قلبى قاسى عليك
القرار
غريبة إنك بتسمعنى غريبة إنك بترحمنى
غريبة يا رب تندهلى فى عز ما قلبى قاسى عليك
+ فى لحظة دموع بتملانى بلاقى إيديك بترعانى
ووقت غربتى المره كنيستك بيتى ومكانى
وحبك هو يحمينى ومن أوجاعى يشفينى
وأحضانك تدفينى ولا مرة بتنسانى
+ فى لحظة آثام بتجرحنى بلاقى عينيك تفرحنى
غريبة إنك تسامحنى وتنسى يا ربى نكرانى
ولما أصرخ إليك ربى وأقول كبير أوى ذنبى
قلبى م الفرح يبكى لأنه رجع إليك تانى
