انا من كام سنة كدة فى مرة سلمت على البابا وشكتلو من حاجة فى كلمتين فطبطب عليا واخدنى فى حضنة وصلالى وابتسلمى وقالى ربنا يكون معاكى ويفرح قلبك اول ما البابا تنيح يوم السبت بكيت كتير جدا وقلت انت اللى اخدتنى فى حضنك مين هيخدنى فى حضنة وكنت طول الوقت اعيط واقول كدة يوم الاحد بليل البابا جالى فى الحلم كنت ماشية فى شارع الكنيسة رايحة الكنيسة انا وواحدة فجم ناس و...قفونى وقالولى البابا عاوزك توصلية فوقفت باستغراب لقيت عربية كبيرة وقفت ونزل منها البابا شنودة وكان لابس التونية البيضا وعليها صلبان لونها دهبى وبيضحك جامد اوى مبتسم جدا وماسك الصليب والعصاية فجريت علية وقلتلوا وحشتنى اوى كدة سبتنى قالى لا انا مسبتكمش ومسكت ايدوة بلصليب فضلت ابوسها فبصلى واخدنى فى حضنة تحت كتفوا وقالى علشان متقوليش مين هيخدنى فى حضنة تانى يلا وصلينى ومسكتو من ايدو ومشيت معاة وفضلنا ماشيين لحد ما وصلنا لمكان طلعنا دور اول فقالى كفايا كدة قلتلوا لا مش هسيبك قالى مينفعش انا هجيلك تانى قلتلو طب صليلى فحط الصليب على راسى وصلالى ومسكت ايدو بوستها بلصليب واخدنى فى حضنة تانى وقالى علشان متقوليش مين هيخدنى فى حضنة انا هجيلك تانى ومش عوزك تزعلى هجيلك تانى وسبنى ومشى يعنى كنت زعلانة جة واخدنى فى حضنة مرتين وكان وشو منور اوى وبيضحك جامد اوى شفعت امينو تكون معانا كلنا انا قلت لازم احكلكم اللى حصل لان البابا قديس وحنين وبيحس باولادوا وانا مستنياة يجيلى تانى بركتة وشفعتة تكون معانا
