لماذا يسمح ربنا بالالام والاوجاع ؟

[يسوع حياتى]

لماذا يسمح ربنا بالالام والاوجاع ؟

ليه ربنا بيسمح بالالام والاوجاع وبيسمح لاقرب الناس ليه ولاولاه والقديسين ؟
والسؤال ده من اصعب الاسئلة ، والسؤال ده زى ال puzzel
اللعبه مش نفهمها غير لما نكملها ولما نحط كل القطع علشان نفهم الصوره .
والاجابة على السؤال ده من 5 قطع بيتحطوا ورا بعض.


القطعه الاولى : ليه ربنا بيسمح بالالام علشان نصحى ؛
ساعات الواحد بيبقى نايم فى الخط ومش مهتم بحياته الروحيه والابديه فعايش فى الدنيا مهتم بأشياء اخرى والابديه مش فدماغه فربنا يعلى صوته علشان يصحى وبتكون بالتجربه الاوجاع والتجارب هى اللى بتهز الواحد علشان يصحى وينتبه للابديه .


القطعه التانيه :علشان تغير اتجاهك ؛
او يكون الوجع يغير اتجاه الواحد مثلا بحبه للمال وحب المال اصل لكل السرور وعداوه لله وسنه ورا سنه يدوس على المبادىء وعلى الناس وربنا فاربنا يبعت تجربه شديده فتغير اتجاهه وترخص الفلوس فى عينيه ويعمل الخير و يهتم بالابديه ويبقى واحد تانى .


القطعه الثالثه :علشان تتشكل
كمان ربنا بيسمح بالتجارب علشان نتشكل الواحد عامل زى العجينه الناشفه فى ايد ربنا وربنا عاوز يعمل مننا اوانى مهيئه للكرامه عاوز يعمل مننا حاجه حلوه علشان نورث معاه السما لكن احنا بالمنظر ده اللى قدام ربنا الاوانى مهيئه للهوان فربنا علشان يشكل العجينه مضطر يضغط بصوابعه فى وقت علشان يطلع مننا تحفه الضغط بيشكل الواحد فينا بدون التجارب والالام مش ممكن تتعلم الصبر و الاحتمال وانتظار الرب و الرجاء والحكمه والصلاه كل دى دروس هتتعلمها من التجارب والايام الصعبه فلما يجى فى بالك سؤال لما بالك سؤال لماذا خرجت من الرحم لارى تعبا ؟ فقول لنفسك علشان اتظبط واتشكل علشان ربنا بيغير فى العجينه علشان تنفع تكون معاه فى السما .


القطعه الرابعه : علشان تحب الناس
ليه فى الالام فى حيانتا واحنا حبايب ربنا لان الالام هى اللى بتخليك تحس بالناس يعنى انت لو عمرك سخنت عمرك ما هتحس بحد سخن ومتوجع لكن لما بتعدى بحاجه زى كده بتحس بالناس وتصليله وتخدمه علشان انت اتألم انت كماان فالالام بتطلع احلى ما فينا احنا البشر تلاحظوا بدون الالام ماكنش هيبقى فيه خدمات الرحمه زى المسنين والمدمنين زالمرضى والمعوقين وهى الالام والناس بتشيل مع بعض ومن غيرها ماكوناش هنحس بعض وكل واحد عايش مع نفسه ولنفسه ومكنش هيبقى فيه حب او وحده ولا خير بين الناس اذا ربنا بيسمح بالالام علشان الناس تحب بعض وتساعد بعض .


القطعه الخامسه : علشان تؤمن
لماذا خرجت من الرحم لارى تعبا؟ لان التعب هيخليك تصلى وتقرب من ربنا وتصدقه اكتر عكس اعتقاد الناس الناس فاكره ان لو الحياه مشيت سهله الايمان هيكون اسهل الايمان بيضعف فى الحياه سهله كل ما كانت الحياه ناشفه وشاقه بيكون الايمان اقوى لان الواحد بيضطر انه يلجأ لربنا علشان يحل المشكله لكن لو الدنيا سهله والحياه ماشيه سهله هيلجأ لربنا ليه ويكلمه ليه ويصدقه ليه فلما يحى فى بالك سؤال لماذا خرجت من الرحم لارى تعبا؟ قول لنفسك علشان اتظبط واتشكل علشان ربنا بيقعد يغير فى العجينه تنفع تقعد مع ربنا وتورث السما .


تأمل لابونا داوود لمعى