مرة جاتلى ست بسيطة الكنيسة وعاوزة تقدم العشور او بركة للكنيسة
فطلعت كيس الفلوس وبتدينى 20 جنيه وبعد ما اخدتها قالتلى استنى يا ابونا .. هاتها تانى كده !!
فرجعتها واديتنى 20 جنيه تانية بس جديدة غير الاولانية !!
فقولتلها يابنتى مش فارقة .. دى كده كده فلوس وهتروح للفقراء جديدة او قديمة مش فارقة
قالتلى لأ يا ابونا ربنا ياخد احسن حاجة
أد كده كانت فى بساطة ايمانها عاوزة تقدم لربنا احلى حاجة عندها حتى لو حاجة بسيطة .. صحيح مش فارقة جديدة من قديمة بس احساسك ان الحاجة اللى رايحة لربنا تتقدم بشكل جميل .. دى رايحة لربنا
ابونا بولس جورج
