قصيده لام النور .. ياعدرا يابتول

[بنتك يايسوع]

قصيده لام النور









يا عدرا يا بتول يا بنت الاصول حياتك من صغرك كلها صلاه وتسبيح فى الهيكل
خدمتى ولما كبرتى اختارك ربى بعتلك ملاكه باعظم بشاره يا مريم لاتخافى
هتبقى ام الفادى لما زرتى نسيبتك شهد يوحنا لابنك تعبتى فى ولدتك وفى مزود
حقير اضجعتى مع ابنك

كان ابنك وانتى امه كان ربك وانتى امته وفى معجزاته كنتى شاهده وفى
الاماته كنتى واقفه وصراخك كان بيدوى ودموعك كانت بتجرى كل جلده جلدوها
لابنك كانت طعنه فى قلبك يا امى كنت شايفه كنتى عارفه كنت ساكته لكن جواكى
نار قايده كنت فاكره الذكريات كنت فاكره اللى فات لما ابنك على الصليب مات
وهو برده مش ناسيكى حتى فى وسط الامه كان بيناديكى وصى يوحنا حبيبه عليكى
انت امه وهو ابنك وهو مات علشان يفديكى مانتى عارفه انه هيرجع تانى ليكى

يا عدرا قلبك حنون يا عدرا شايله الهموم لما بنطلب بنلاقيكى لما بنصرخ
تسمعينا وفى وسط الالمات عمرك ما بتنسينا وشفاعتك مقبوله عند فادينا
وظهورك ده كان بركه لينا لابسه الطرحه والفستان يا ملكه ياام الحنان
وجمالك جمال الهى يا عدرا يا ام الهى و سط الامى ووسط ضيقاتى عمرى ماهنسى
حنانك امى مهما قلبى يعبر عن حبى اليكى عمره ما هيوفى حنانك امى ده انت
ياعدرا لو تطبى عينى تبقى هديه رخيصه عليكى
يا امى بنادى عليكى زى ما نادى عليكى يسوع قدام صورتك انادى عليكى اشفعى فيا عند يسوع


يا عـــــــــــــــدرا يا ام النور......صــــيامك هنا وســـــــــرور
وفــــــــــــــرح يملا الصدور......ده شـــــهرك احلى الشـــهور
وكنايسـ،ـــــــــــك راح ازور......كلها تمـــاجيد والحان وبخور
كلها حــــــــــــــنوط وعطور......منها ادمع بدون شـــــــــعور
وابليس مـــــــع جنوده يغور......نمجـــــــــــــــدك​ بدون فتور
من المســــــا لحد السحور......ناس كتير وجمـــــــــــــــــهور
جايين من الحوارى والقصور......من الصعيد ومن جنب البحور
واقفـــــــــيين طـابور طــابور......يصــــــــــــــل​وا لبدر البدور
صارخـــــين طالبيين الظهور......من العـــــــــــــــدرا ام النور
الفــــــــــــول مالى القدور ......واللحـــــــــــــــــم علينا مندور
ومعاه كمان البكــــــــــــــور......ومش ناسيين العشــــــــور
يا عدرا انا ليكى شــــــــكور......عنى بتزيحى الشـــــــــرور
وتســــــــهلى كل الامــــور......وتعمرى القلب المــــــهجور
وتجبرى كل مكســـــــــــور......فى كل زمـــــــــــــــان ودور
مش ممكن راح اخــــــــــور......ده انا معاكى جســــــــــــور
وعــــــــــلى خلاصى غيور......بيكى انا دايما فخـــــــــــــور
ودايــــــــــــما بيكى منصور......ومنوره طـــــــــــــريقى بنور
ده انا مهما اكتب ســــــطور......مـــش ممكن اوفى ام النور